భారతీయ సంప్రదాయంలో వాస్తు శాస్త్రానికి అత్యంత ప్రాధాన్యత ఉంది. వాస్తు శాస్త్రం ప్రకారం ఇంటికి పెట్టే పేరు అక్కడి వాతావరణం, శక్తి, మనసులపై ప్రభావం చూపుతుందని నమ్మకం ఉంది. ఇటుకలు, రాళ్లు కేవలం ఒక కట్టడాన్ని మాత్రమే నిర్మిస్తాయి. కానీ ఆ కట్టడాన్ని నిజమైన “ఇల్లుగా” మార్చేది అందులో నివసించే మనుషులు, వారి భావోద్వేగాలు, కలలు. అందుకే ప్రతి ఒక్కరూ తమ కలల ఇంటిని ప్రత్యేకంగా, ఆత్మీయంగా తీర్చిదిద్దాలని కోరుకుంటారు. ఇలాంటి సందర్భంలో ఇంటికి పెట్టే పేరు కూడా చాలా ముఖ్యమవుతుంది. ఒక చిన్నారి పేరు అతని వ్యక్తిత్వాన్ని ఎలా ప్రతిబింబిస్తుందో.. అలాగే ఇంటి పేరు ఆ ఇంటి ఆరా (energy), వాతావరణాన్ని ప్రతిబింబిస్తుంది. అందుకే ఈ రోజుల్లో చాలా మంది తమ ఇంటికి ప్రత్యేకమైన, అర్థవంతమైన పేర్లు పెట్టుకోవడానికి ఆసక్తి చూపుతున్నారు.
మీరు కూడా మీ ఇంటికి మంచి పేరు కోసం వెతుకుతున్నట్లయితే.. వాస్తు శాస్త్రం ప్రకారం శుభప్రదంగా భావించే కొన్ని సంస్కృత పేర్లు ఇప్పుడు తెలుసుకుందాం.
