చాలామంది దృష్టిలో రూ. 1 కోటి జీతం, విలాసవంతమైన ఇళ్ళు ఉంటే ఆర్థికంగా తిరుగులేని స్థాయిలో ఉన్నట్లే. కానీ, ఆర్థిక నిర్వహణలో చిన్న పొరపాటు జరిగితే, అంత భారీ ఆదాయం ఉన్నవారు కూడా తీవ్రమైన నగదు కొరతను ఎదుర్కోవాల్సి వస్తుంది. ఒక ఐఐటీ పూర్వ విద్యార్థికి ఎదురైన ఈ విచిత్రమైన పరిస్థితి ఇప్పుడు సోషల్ మీడియాలో తీవ్ర చర్చనీయాంశంగా మారింది.
సదరు ఐఐటీయన్ సంపాదన కోట్లలో ఉన్నప్పటికీ, అతను తన ఆదాయంలో మెజారిటీ భాగాన్ని రియల్ ఎస్టేట్ రంగంలో పెట్టుబడిగా పెట్టాడు. మూడు విలాసవంతమైన ఇళ్లను కొనుగోలు చేసి, వాటికి నెలానెలా భారీ మొత్తంలో ఈఎంఐలు చెల్లిస్తున్నాడు. వచ్చే జీతమంతా రుణాల వాయిదాలకే సరిపోవడం వల్ల అతని బ్యాంకు ఖాతాలో ద్రవ్య రూపంలో సేవింగ్స్ చాలా తక్కువగా ఉండేవి. పన్నుల బకాయిలు చెల్లించాల్సిన సమయం నాటికి చేతిలో కనీస నగదు లేకపోవడంతో ఈ పరిస్థితి ఎదురైంది.
ఇవి కూడా చదవండి
ఈ పరిస్థితిని ఆర్థిక నిపుణులు అస్సెట్ రిచ్, క్యాష్ పూర్ అని పిలుస్తారు. ఇళ్ళు లేదా స్థలాలు వంటి ఆస్తుల విలువ కోట్లలో ఉంటుంది.. కానీ, వాటిని తక్షణమే నగదుగా మార్చడం సాధ్యం కాదు. హఠాత్తుగా వచ్చే ఖర్చులు లేదా పన్నుల చెల్లింపుల కోసం కొంత డబ్బును సేవింగ్స్ రూపంలో పక్కన పెట్టకపోవడం అతిపెద్ద పొరపాటు అంటున్నారు ఆర్థిక విశ్లేషకులు.
Just filed ITR of one of my IITian client!
He is a young guy having package of 1Cr plus since 5 years.
Has 3 houses out of which 2 projects are WIP.
He told me he had no money to pay taxes of Rs. 15K and wanted me to wait till August so that his salary comes and we can pay the…
— Pratibha Gupta (@PratibhaGoyal) July 27, 2026
సీఏ సూచిస్తున్న ముఖ్యమైన ఫైనాన్షియల్ లెసన్స్:
నగదు నిర్వహణ: మన సంపాదనలో కొంత భాగం ఎప్పుడూ తక్షణమే వాడుకోవడానికి వీలుగా సాధారణ సేవింగ్స్ లేదా లిక్విడ్ ఫండ్స్లో అందుబాటులో ఉండాలి.
రుణాల పరిమితి: ఆదాయంలో అత్యధిక శాతం ఈఎంఐలకే పోయేలా ప్లాన్ చేసుకోకూడదు.
ఆస్తుల వైవిధ్యం: మొత్తం డబ్బును కేవలం రియల్ ఎస్టేట్లోనే కాకుండా, గోల్డ్, స్టాక్స్ లేదా మ్యూచువల్ ఫండ్స్ వంటి త్వరగా నగదుగా మారే రంగాల్లో కూడా ఇన్వెస్ట్ చేయాలి.
అత్యధిక ఆదాయం కలిగి ఉండటం ఎంత ముఖ్యమో, దాన్ని సమర్థవంతంగా నిర్వహించడం అంతకంటే ముఖ్యం. సంపాదన పెరిగే కొద్దీ ఆస్తులను పెంచుకోవడంతో పాటు, అత్యవసర సమయాలకు సరిపడా నగదు లభ్యత ఉండేలా చూసుకోవడమే సరైన ఆర్థిక ప్రణాళిక.
