ఈ నెల(ఏప్రిల్) 30వ తేదీ నుంచి మే 14 వరకు మీన రాశిలో కుజ, శనులు మాత్రమే సంచారం చేయడం జరుగుతోంది. సాధారణంగా ఈ రెండు గ్రహాలు కలిసినప్పుడు రాజయోగాలు ఎక్కువగా కలుగుతాయి. ఈ రెండు పాప గ్రహాలు కలవడం వల్ల ఉద్యోగాల్లో ఉన్నవారికి తప్పకుండా అధికార యోగం పడుతుంది. వృషభం, మిథునం, కర్కాటకం, వృశ్చికం, మకరం, మీన రాశులవారి జీవితాల్లో శుభ పరిణామాలు చోటు చేసుకుంటాయి. విదేశీ అవకాశాలు బాగా వృద్ధి చెందుతాయి. రాజకీయాలు, ప్రభుత్వం, మిలిటరీ, పోలీస్, రియల్ ఎస్టేట్, లిక్కర్ రంగాల్లో ఉన్నవారికి జీవితం మూడు పువ్వులు ఆరు కాయలుగా సాగిపోతుంది.
