కన్య రాశి: అక్టోబర్ 31 వరకు గురువు ఈ రాశికి లాభ స్థానంలో సంచారం చేయడం, ధన స్థానంలో ధనాధి పతి శుక్రుడితో రాశ్యధిపతి బుధుడు యుతి చెందడం వల్ల ఈ రాశివారికి నెలంతా ఆదాయం పెరగడమే తప్ప తగ్గడం ఉండకపోవచ్చు. రావలసిన సొమ్ము పూర్తిగా చేతికి అందుతుంది. బాకీలు, బకాయిలు వసూలవుతాయి. కుటుంబపరంగా, ఆస్తిపాస్తుల పరంగా కూడా ఆదాయం వృద్ధి చెందుతుంది. ఉద్యోగంలో జీతభత్యాలు, వృత్తి, వ్యాపారాల్లో రాబడి బాగా పెరుగుతాయి.