ఎండు కొమ్మల కత్తిరింపు (Pruning): కుండీలో పెంచే గులాబీ మొక్కలు సరిగ్గా పెరగకపోవడానికి ప్రధాన కారణం పోషకాల లోపం. నీళ్లు ఎలా పడితే అలా పోయడం.. మొక్క ఎండిపోతున్నట్లు అనిపిస్తే, ముందుగా దానిపై ఉన్న ఎండిపోయిన కొమ్మలను, ఆకులను కత్తిరించాలి (Pruning). నల్లగా మారిన లేదా ఎండిపోయిన కొమ్మలను కత్తిరించడం వల్ల ఆ భాగానికి వృధా అయ్యే పోషకాలు ఆగిపోయి, కొత్తగా చిగుర్లు రావడానికి సహాయపడతాయి. కత్తిరించిన చోట కొంచెం పసుపు లేదా ఫంగిసైడ్ రాయడం వల్ల ఇన్ఫెక్షన్లు రాకుండా ఉంటాయి.
సరైన సూర్యరశ్మి: గులాబీ మొక్కలు నీడలో ఉంటే పూలు పూయవు. వీటికి ఎండ చాలా అవసరం. మీ కుండీని ఎండ బాగా తగిలే చోట ఉంచండి. అయితే, వేసవిలో మధ్యాహ్నం వేళ వచ్చే తీవ్రమైన ఎండ నుండి రక్షణ కల్పించడం కూడా ముఖ్యం. గులాబీ మొక్కకు రోజుకు కనీసం 5 నుండి 6 గంటల ప్రత్యక్ష సూర్యరశ్మి అవసరం.
పోషకాల సరఫరా: నాణ్యమైన కంపోస్ట్ లేదా సేంద్రీయ ఎరువులను వాడటం వల్ల మట్టికి బలం చేకూరుతుంది. నెలకు ఒకసారి పశువుల ఎరువు లేదా వర్మీ కంపోస్ట్ అందించాలి. వాడేసిన టీ పొడిని బాగా కడిగి ఎండబెట్టి మట్టిలో కలిపితే, అది గులాబీ మొక్కలకు అద్భుతమైన ఎరువుగా పనిచేస్తుంది. గుడ్డు పెంకులను పొడి చేసి మట్టిలో వేయడం వల్ల మొక్కకు కావలసిన కాల్షియం అందుతుంది.
నీటి యాజమాన్యం: కుండీలో మట్టి ఎప్పుడూ చిత్తడిగా ఉండకూడదు, అలాగని పూర్తిగా ఎండిపోకూడదు. వేళ్లకు గాలి తగిలేలా వారానికి ఒకసారి మట్టిని పైపైన తవ్వాలి (Mulching). కుండీ కింద రంధ్రం సరిగ్గా ఉందో లేదో చూసుకోవాలి, నీరు నిల్వ ఉంటే వేర్లు కుళ్ళిపోతాయి. కుండీలో నీరు నిల్వ ఉండకుండా చూసుకోవాలి, మట్టి తేమగా ఉంటేనే మొక్క ఆరోగ్యంగా ఉంటుంది.
మరో ముఖ్యమైన విషయం ఏంటంటే రకరాకల మొక్కల మధ్య అసలు గ్యాప్ లేకుండా గులాబీ మొక్కలను అసలు పెట్టకూడదు. కాస్త కొమ్మలు ఏపుగా పెరిగే విధంగా కాస్తంత స్పేస్ ఇచ్చేలా చూసుకోవాలి. కొంచెం ఓపిక, సరైన జాగ్రత్తలు ఉంటే చనిపోతున్న మొక్క కూడా మళ్ళీ పచ్చగా మారుతుంది. పైన చెప్పిన చిట్కాలను పాటిస్తే మీ ఇంట్లోని గులాబీ మొక్క పూలతో కళకళలాడుతుంది.
