హోండా కార్‌‌ లవర్స్‌కి అదిరే వార్త..! మార్కెట్​లోకి ఎస్‌యూవీ ‘ZR-V’.. ఎన్ని లక్షలంటే

రూ. 47.99 లక్షల ఎక్స్-షోరూమ్ ధరతో లాంచ్ అయిన హోండా ‘ZR-V’ మోడల్‌లో 2.0-లీటర్ బలమైన హైబ్రిడ్ పవర్‌ట్రెయిన్‌ను అమర్చారు. లీటరుకు 22.80 కిలోమీటర్ల మైలేజ్ అందించే ఈ స్పోర్ట్ క్రాస్‌ఓవర్ ఎస్‌యూవీకి సంబంధించిన పూర్తి వివరాలను తెలుసుకుందాం!

ఆకర్షణీయమైన రంగుల ఎంపిక

హోండా జెడ్ఆర్-వి సాంప్రదాయ ఎస్‌యూవీల మాదిరిగా బాక్సీ డిజైన్‌లో కాకుండా అత్యంత ఆకర్షణీయమైన స్పోర్టీ క్రాస్‌ఓవర్ స్టైల్‌లో రూపొందించబడింది. ముందు భాగంలో స్టైలిష్ గ్రిల్, ఫుల్ ఎల్ఈడీ హెడ్‌ల్యాంప్స్, ఎల్ఈడీ డీఆర్‌ఎల్‌లు మరియు ఏరోడైనమిక్ బంపర్ డిజైన్‌ను ఇచ్చారు. పక్క భాగంలో పొడవైన వీల్‌బేస్, స్లోపింగ్ రూఫ్‌లైన్, 18-అంగుళాల డైమండ్ కట్ అలాయ్ వీల్స్ దీనికి ప్రత్యేక లుక్‌ను తెచ్చిపెట్టాయి.

అలాగే వెనుక భాగంలో ఎల్ఈడీ టెయిల్ లైట్లు, రూఫ్ స్పాయిలర్ మరియు డ్యూయల్ ఎగ్జాస్ట్ ఫినిషర్లు ఉన్నాయి. ఈ ఎస్‌యూవీ క్రిస్టల్ బ్లాక్ పెర్ల్, మెటియోరాయిడ్ గ్రే మెటాలిక్, ప్లాటినం వైట్ పెర్ల్ మరియు ట్వైలైట్ మిస్ట్ బ్లాక్ పెర్ల్ వంటి ఐదు ఆకర్షణీయమైన రంగుల్లో లభిస్తుంది.

టెక్నాలజీ ఫీచర్లు

ఈ కారు క్యాబిన్ పూర్తిగా లగ్జరీ అనుభూతిని అందించేలా ఆల్-బ్లాక్ థీమ్, లెదరెట్ సీట్లు మరియు సాఫ్ట్ టచ్ డాష్‌బోర్డ్‌తో తీర్చిదిద్దారు. డ్రైవర్ సీటుకు 8-వే పవర్ అడ్జస్ట్, మెమరీ ఫంక్షన్ అందించగా, వెనుక సీట్లలో విశాలమైన లెగ్‌రూమ్ లభిస్తుంది. బూట్ స్పేస్ సాధారణంగా 380 లీటర్లు ఉండగా, వెనుక సీట్లు మడిస్తే ఏకంగా 1,313 లీటర్ల వరకు పెంచుకోవచ్చు. టెక్నాలజీ పరంగా 9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆపిల్ కార్‌ప్లే, ఆండ్రాయిడ్ ఆటో, 10.2-అంగుళాల డిజిటల్ డ్రైవర్ డిస్‌ప్లే, 12 స్పీకర్ల బోస్ ప్రీమియం సౌండ్ సిస్టమ్, డ్యూయల్ జోన్ ఆటోమేటిక్ ఏసీ, జెసెస్ కంట్రోల్ పవర్ టెయిల్‌గేట్ వంటి అధునాతన హంగులు ఉన్నాయి.

భద్రతా ప్రమాణాలు

ఈ వాహనంలో 2.0-లీటర్ ఇ-స్ట్రాంగ్ హైబ్రిడ్ పవర్‌ట్రెయిన్‌ను అమర్చారు. నాచురల్లీ ఆస్పిరేటెడ్ పెట్రోల్ ఇంజిన్, శక్తివంతమైన ఎలక్ట్రిక్ మోటార్ కలిసి 181 bhp పవర్, 315 Nm టార్క్‌ను ఉత్పత్తి చేస్తాయి. కేవలం 7.9 సెకన్లలోనే 0 నుంచి 100 కి.మీ వేగాన్ని అందుకోగల ఈ కారు లీటరుకు 22.80 కిలోమీటర్ల మైలేజీని ఇస్తుందని కంపెనీ తెలిపింది. ఇక భద్రత విషయానికి వస్తే, 8 ఎయిర్‌బ్యాగ్‌లు, లెవల్-2 ఏడీఏఎస్ (ADAS), 360-డిగ్రీ కెమెరా, నాలుగు చక్రాలకు డిస్క్ బ్రేకులు, ఈఎస్‌సీ (ESC), హిల్ స్టార్ట్ అసిస్ట్, ఐసోఫిక్స్ చైల్డ్ సీట్ మౌంట్స్ వంటి అత్యున్నత సేఫ్టీ ఫీచర్లు ఇందులో ఉన్నాయి.