అయితే, ఆరోగ్యకరమైన జుట్టు కోసం నూనెను నేరుగా రాయకుండా కొద్దిగా గోరువెచ్చగా చేసి రాస్తే కుదుళ్లలోకి త్వరగా ఇంకుతుంది. గోళ్లతో కాకుండా వేలిముద్రలతో గుండ్రటి కదలికల్లో 5-10 నిమిషాలు మృదువుగా మసాజ్ చేయాలి. ఇక రోజుల తరబడి నూనెను తలలోనే ఉంచకూడదు. ఇది చుండ్రు, జుట్టు రాలడానికి కారణమవుతుంది. వారానికి 2-3 సార్లు నూనె రాసి స్నానం చేస్తే సరిపోతుంది. మీ జుట్టు ఒత్తుగా, బలంగా ఎదగాలంటే రాత్రి పూట గోరువెచ్చని నూనెతో మసాజ్ చేసుకుని, మరుసటి రోజు ఉదయం కెమికల్స్ లేని షాంపూతో తలస్నానం చేయడం ఉత్తమమైన మార్గం.
