మన భారతీయ వంటకాలలో మసాలా దినుసుగా విరివిగా ఉపయోగించే గసగసాలు కేవలం రుచికి మాత్రమే కాకుండా, అపారమైన ఆరోగ్య ప్రయోజనాలను కూడా అందిస్తాయి. గసగసాల యొక్క అద్భుత ఔషధ గుణాలను, వాటిని సరైన రీతిలో వినియోగించే పద్ధతులను నిపుణులు ఎన్నో విషయాలు చెప్పారు. గసగసాలలో ఉండే కొన్ని ప్రత్యేకమైన ఆల్కలాయిడ్ కాంపౌండ్స్ శరీరంలో కలిగే నొప్పులను, ముఖ్యంగా కండరాల తిమ్మిర్లను తగ్గించడంలో చాలా సమర్థవంతంగా పనిచేస్తాయని అంటున్నారు.
చాలా మంది తరచుగా ఎదుర్కొనే సమస్య కండరాల తిమ్మిర్లు. ముఖ్యంగా పిక్కలు, కాళ్ళు పట్టేయడం, నిద్రలో, దగ్గినప్పుడు లేదా ఆవలిచ్చినప్పుడు కూడా ఈ తిమ్మిర్లు రావడం సాధారణం. ఇలాంటి తిమ్మిర్ల నుండి ఉపశమనం పొందడానికి గసగసాలను పేస్ట్గా చేసి వాడుకోవచ్చు ఇంకా డికాక్షన్ కాచి త్రాగవచ్చు.
గసగసాలు నొప్పి నివారిణిగా పనిచేయడంతో పాటు, ఇంకొక ముఖ్యమైన పరోక్ష ప్రయోజనాన్ని కూడా అందిస్తాయి. గసగసాలను లోపలికి తీసుకున్నప్పుడు అవి ఊపిరితిత్తులలో పేరుకుపోయిన కంజెషన్ను గణనీయంగా తగ్గిస్తాయని సైంటిఫిక్గా నిరూపితమైంది. శ్లేష్మాన్ని, కఫాన్ని తగ్గించడంలో ఇవి చాలా ప్రభావవంతంగా ఉంటాయి.
ఆస్తమాతో బాధపడేవారు, కఫం, శ్లేష్మం సమస్యలు ఉన్నవారు, తరచుగా పిల్లికూతలు, దగ్గుతో ఇబ్బంది పడేవారు, ఉదయం లేవగానే గట్టి తెమడలు ఎక్కువగా వచ్చే వారికి గసగసాలు ఎంతో మేలు చేస్తాయి. ఊపిరితిత్తులలోని అధిక స్రావాలను తగ్గించి, కంజెషన్ను నివారిస్తూ, శ్వాసనాళాలను, గాలి గొట్టాలను వ్యాకోచింపజేయడం వలన ఇవి శ్వాస ప్రక్రియను మెరుగుపరుస్తాయి.
అయితే, ఈ అద్భుతమైన ప్రయోజనాలను మీరు పూర్తిగా పొందాలంటే గసగసాలను సరైన పద్ధతిలో వాడుకోవడం చాలా ముఖ్యం. మనం సాధారణంగా గసగసాల పేస్ట్ను మసాలా ముద్దలాగా నూనె మరిగిన తర్వాత తాలింపులో వేసి వేపుతుంటాము. ఇలా చేయడం వల్ల గసగసాలలో ఉండే విలువైన ఆల్కలాయిడ్ కాంపౌండ్స్ దెబ్బతింటాయని అంటున్నారు. ఈ అధిక ఉష్ణోగ్రత వద్ద గసగసాలలో ఉండే ఔషధ గుణాలు, ఆల్కలాయిడ్స్ నాశనం అవుతాయి. అందువల్ల మీరు ఆశించిన ఫలితాలు లభించవు. వేగినప్పుడు మంచి సువాసన వస్తుండవచ్చు, కానీ ఆరోగ్య ప్రయోజనాలను మాత్రం కోల్పోతారు