1591 నుండి మొదలైన విస్కీ వ్యాపార చరిత్ర
క్యాంప్బెల్టౌన్ నగరానికి విస్కీ ఉత్పత్తిలో శతాబ్దాల చరిత్ర ఉంది. 1591 నాటికే ఈ నగరం విస్కీని ఉత్పత్తి చేసి ఐరోపా దేశాలకు ఎగుమతి చేసేది. 19వ శతాబ్దంలో విస్కీ తయారీకి చట్టబద్ధత లభించడంతో ఈ నగరం అగ్రగామిగా ఎదిగింది. 1800వ దశకంలో ఇక్కడ ఏకంగా 30కి పైగా విస్కీ తయారీ కేంద్రాలు (Distilleries) ఉండేవి. నాణ్యమైన బార్లీ పంట అక్కడి స్వచ్ఛమైన సహజ జలవనరులు క్యాంప్బెల్టౌన్ విస్కీని ప్రపంచంలోనే అత్యుత్తమమైనదిగా తీర్చిదిద్దాయి.
క్యాంప్బెల్టౌన్ విస్కీ రుచి ఎందుకు ప్రత్యేకం?
ఈ నగరం సముద్ర తీరంలో ఉండటం వల్ల ఇక్కడ తయారయ్యే విస్కీకి ఒక ప్రత్యేకమైన రుచి ఉంటుంది. ఇక్కడి విస్కీలో స్వల్పంగా ఉప్పదనం (Saltiness), పొగ వాసన (Smoky flavor) కలగలిసి ఉండి, మందుబాబులకు ఒక భిన్నమైన అనుభూతిని అందిస్తుంది. భౌగోళిక స్థానం వాతావరణ పరిస్థితులే ఈ విస్కీని ఇతర స్కాచ్ విస్కీల కంటే భిన్నంగా చూపిస్తాయి. అందుకే ప్రపంచవ్యాప్తంగా విస్కీ ప్రియులు ఈ నగరాన్ని సందర్శించడానికి ఇక్కడి విస్కీని రుచి చూడటానికి ఆసక్తి చూపుతుంటారు.
అమెరికా మద్యపాన నిషేధం తెచ్చిన కష్టాలు
1920వ దశకం వరకు విస్కీ ఉత్పత్తిలో ప్రపంచ కేంద్రంగా వెలిగిన క్యాంప్బెల్టౌన్కు అమెరికాలోని మద్యపాన నిషేధం (Prohibition) కోలుకోలేని దెబ్బ తీసింది. అతిపెద్ద మార్కెట్ అయిన అమెరికాలో విక్రయాలు నిలిచిపోవడంతో ఇక్కడి అనేక డిస్టిలరీలకు గిరాకీ తగ్గి మూతపడ్డాయి. అయితే, నేటికీ ఆ పురాతన వైభవం విస్కీ తయారీ వారసత్వాన్ని ఈ పట్టణం కాపాడుకుంటూ వస్తోంది. ఇప్పటికీ స్కాట్లాండ్లోని ఐదు ప్రధాన విస్కీ ఉత్పత్తి ప్రాంతాలలో క్యాంప్బెల్టౌన్ ఒకటిగా పరిగణిస్తారు. పరిమాణంలో చిన్నదైనా, ప్రపంచ విస్కీ చరిత్రలో క్యాంప్బెల్టౌన్ పోషించిన పాత్ర చాలా పెద్దది. పర్యాటక రంగంలో నాణ్యమైన విస్కీ ఉత్పత్తిలో ఈ నగరం నేటికీ ప్రపంచ రాజధానిగానే వెలుగొందుతోంది.
