ప్రముఖ సినీ దర్శకుడు కృష్ణవంశీ రాఖీ సినిమా వెనుక ఉన్న కథను, దాని సామాజిక సందేశాన్ని, ఇతర చిత్ర విశేషాలను ఇటీవల ఒక ఇంటర్వ్యూలో పంచుకున్నారు. రాఖీ చిత్రం మహిళల వేధింపుల వంటి సున్నితమైన సామాజిక అంశాన్ని టచ్ చేశామని, ఈ సమస్య శతాబ్దాలుగా సమాజంలో ఉందని, కేవలం మీడియా వెలుగులోకి తీసుకురావడం వల్లనే ఇప్పుడు మరింత చర్చనీయాంశం అవుతోందని ఆయన అన్నారు. మనిషి ఉన్నంత కాలం ఈ సమస్య ఉంటుందని, దీనిని పరిష్కరించడమే తన లక్ష్యమని ఆయన అభిప్రాయపడ్డారు. ఈ సినిమా కథ పుట్టుక గురించి చెబుతూ, రాధాకృష్ణ అనే వ్యక్తి దాదాపు పది సంవత్సరాల క్రితం చంద్రలేఖ లేదా సింధూరం చిత్రాల సమయంలో ఈ కథను తనకు చెప్పారని కృష్ణవంశీ గుర్తుచేసుకున్నారు. అప్పట్లో తన సొంత కథలకే ప్రాధాన్యత ఇస్తూ వేరే కథలు చేయనని చెప్పినా, రాధాకృష్ణ పట్టుబట్టడంతో విన్నానని తెలిపారు. ఆ కథ బాగున్నప్పటికీ, పచ్చిగా ఉందని భావించి పక్కన పెట్టేశానని చెప్పారు.
ఎక్కువ మంది చదివినవి : Monalisa Bhosle: మోనాలిసా మిస్సింగ్.. సెల్ఫీ వీడియో రిలీజ్ చేసిన ఫర్మాన్ ఖాన్..
అయితే, జూనియర్ ఎన్టీఆర్తో సినిమా చేయాల్సి వచ్చినప్పుడు, అతని పవర్కు, మల్టీ-టాలెంట్కు సరిపోయే కథ కోసం వెతుకుతుండగా రాఖీ కథ గుర్తుకు వచ్చిందని కృష్ణవంశీ వివరించారు. తారక్ బ్రహ్మాండమైన డాన్సర్, డైలాగ్స్ చెప్పగలవాడు, అద్భుతమైన మెమొరీ పవర్, పర్ఫార్మింగ్ స్కిల్స్ ఉన్న నటుడని కృష్ణవంశీ ప్రశంసించారు. రాధాకృష్ణ చెప్పిన మూలకథను పూర్తిగా మార్చి, కొన్ని క్యారెక్టర్లు, సీక్వెన్స్లు మాత్రమే తీసుకుని, పూర్తి స్క్రీన్ప్లేను తిరిగి రాసి, పాటలు, ఫైట్లు వంటి ఎలిమెంట్స్ను జోడించి రాఖీ చిత్రాన్ని రూపొందించానని ఆయన తెలిపారు. కథకు మూలం రాధాకృష్ణదే అయినా, దానిని ఎన్టీఆర్ పవర్ కోసం తన అనుభవాలను, రియాక్షన్లను జోడించి అడాప్ట్ చేశానని అన్నారు. కథ చెప్పగానే తారక్ “బాగుంది అన్నయ్య, చేద్దాం” అని చెప్పారని కృష్ణవంశీ వెల్లడించారు.
ఎక్కువ మంది చదివినవి : Singer Mangli : అతడికి శ్రీముఖి పై క్రష్.. బిగ్ బాస్ కోసమే ఈ ప్లాన్.. మంగ్లీ సంచలన కామెంట్స్..
రాఖీ చిత్రంలోని సుహాసినిని కాలుతో తన్నే సన్నివేశం గురించి తరచుగా వచ్చే చర్చల పట్ల స్పందిస్తూ, ఆ సన్నివేశాన్ని తనే రాశానని, సుహాసిని తనకు చాలా ఇష్టమైన వ్యక్తి అని చెప్పారు. ఆ సన్నివేశంలో షాయాజీ షిండే అత్యద్భుత నటుడని, ఆయన కాలు ఎంత దూరం వెళ్లాలో, ఎంత వేగంగా వెనక్కి తీయాలో స్వతహాగానే తెలుసని, దానికి పెద్దగా వివరణ ఇవ్వాల్సిన అవసరం లేదని తెలిపారు. సుహాసిని కూడా గొప్ప నటి అని, టైమింగ్ చాలా ముఖ్యమని, బాడీ రిఫ్లెక్స్ అద్భుతంగా ఉంటుందని అన్నారు. సన్నివేశానికి ముందు సుహాసినికి వివరించి, ఆమె అంగీకారంతోనే చేశామని, షాయాజీ షిండే చాలా మంచి మనిషి అని, సహనటుడితో ఎంతవరకు వెళ్లాలో ఆయనకు బాగా తెలుసు అని కృష్ణవంశీ స్పష్టం చేశారు.
ఎక్కువ మంది చదివినవి : Prasad Behara : విరాజితతో సిరీస్ ఆపేయడానికి కారణం ఇదే.. అసలు విషయం చెప్పిన ప్రసాద్ బెహరా..
