IPL 2026 CSK vs SRH Toss: ఐపీఎల్ 2026లో భాగంగా 27వ మ్యాచ్లో చెన్నై సూపర్ కింగ్స్ వర్సెస్ సన్రైజర్స్ హైదరాబాద్ తలపడుతున్నాయి. పాయింట్ల పట్టికలో స్థానాలను బట్టి ఈ మ్యాచ్ ఇరు జట్లకు చాలా ముఖ్యమైనది. ఎందుకంటే ఈ మ్యాచ్ గెలవడం ద్వారా వారు తిరిగి బలమైన స్థానంలోకి వచ్చే అవకాశం ఉంది. పాయింట్ల పట్టికలో సన్రైజర్స్ హైదరాబాద్ ఐదవ స్థానంలో ఉండగా, చెన్నై సూపర్ కింగ్స్ ఎనిమిదవ స్థానంలో ఉంది. ఇరు జట్లు ఆడిన 5 మ్యాచ్లలో రెండేసి గెలిచి 4 పాయింట్లు సాధించాయి. ఇప్పుడు ఈ మ్యాచ్లో ఎవరు 2 పాయింట్లు సాధించి టాప్ 5 లోకి ప్రవేశిస్తారో అని క్రీడాభిమానులు ఆసక్తిగా ఎదురుచూస్తున్నారు. టాస్ చెన్నై సూపర్ కింగ్స్కు అనుకూలంగా వచ్చింది. కెప్టెన్ రితురాజ్ గైక్వాడ్ మొదట బౌలింగ్ ఎంచుకున్నాడు. ఈ మ్యాచ్లో పాట్ కమిన్స్, మహేంద్ర సింగ్ ధోనీ ఆడతారా లేదా అనే దానిపై చర్చ జరిగింది. అయితే, వారిద్దరూ ఈ మ్యాచ్లో ఆడటం లేదు.
