వృషభం: ఈ రాశికి అత్యంత శుభుడైన శనీశ్వరుడు పంచమ స్థానాన్ని వీక్షిస్తున్నందువల్ల ఈ రాశివారికి కొద్ది ప్రయత్నంతో నెల రోజుల్లోగా ఆస్తి సమస్యలు, ఆర్థిక సమస్యలు పరిష్కారమయ్యే అవకాశం ఉంది. గృహ, వాహన యోగాలు కలుగుతాయి. ఆస్తి, ఆర్థిక ఒప్పందాలు కుదురుతాయి. భాగస్వామ్య వ్యాపారాలు ప్రారంభించడం వల్ల బాగా లబ్ధి పొందుతారు. షేర్లు, స్పెక్యులేషన్ల వంటివి అంచనాలకు మించి కలిసి వస్తాయి. విదేశాల్లో వృత్తి, ఉద్యోగాలకు ప్రయత్నించడం మంచిది.
