టాలీవుడ్లో ఇతర భాషలకు చెందిన హీరోయిన్లకు ఎప్పుడూ మంచి ఆదరణ ఉంటుంది. ముఖ్యంగా మలయాళం, కన్నడ, తమిళ ఇండస్ట్రీల నుంచి వచ్చే అందాల భామలు తెలుగు ప్రేక్షకులను తమ నటనతో ఆకట్టుకుంటున్నారు. ఒక్క సినిమా హిట్ అయితే చాలు.. వరుసగా అవకాశాలు అందుకుంటూ టాలీవుడ్లో బిజీ హీరోయిన్లుగా మారిపోతున్నారు. ఇప్పుడు ఇదే జాబితాలో మలయాళ బ్యూటీ కళ్యాణి ప్రియదర్శన్ కూడా చేరిపోయింది. తన అందం, అభినయంతో ప్రేక్షకులను ఆకట్టుకుంటున్న ఈ ముద్దుగుమ్మ ప్రస్తుతం వరుస విజయాలతో మంచి జోష్లో ఉంది.