తెలుగు సినీ ప్రేక్షకులకు సుపరిచితుడైన నటుడు పృథ్వీరాజ్, తన కెరీర్లోని ఎన్నో ఆసక్తికరమైన విషయాలను, నటుడిగా తన ఎదుగుదలను, తన వ్యక్తిగత జీవిత రహస్యాలను ఓ ఇంటర్వ్యూలో పంచుకున్నారు. తనదైన ప్రత్యేక శైలితో ప్రేక్షకులను ఆకట్టుకునే ఆయన, విలన్గా కనిపించినా ఎక్కడో ఒక మెత్తని కోణం కనిపిస్తుందనే అభిప్రాయాన్ని తెలిపారు. బాలనటుడిగా తన ప్రయాణం మొదలుపెట్టిన పృథ్వీరాజ్, నటన అంటే ఏమిటో అప్పట్లో పూర్తి అవగాహన లేదని పేర్కొన్నారు. దర్శకులు చెప్పిన డైలాగులు చెప్పడం, కో-ఆర్టిస్టులతో కలిసి నటించడం వరకే తెలుసని తెలిపారు. అయితే, నటుడిగా మారాలనే బలమైన కోరికతో, కాలేజీ విద్యను వదిలి ఫిల్మ్ ఇన్స్టిట్యూట్లో చేరాలని తన తండ్రికి చెప్పానని గుర్తుచేసుకున్నారు. అమెరికాలోని ‘యాక్టర్ స్టూడియో’ లేదా లండన్ వెళ్లాలని భావించినా, బడ్జెట్ పరిమితుల వల్ల చెన్నైలోని అడయార్ ఫిల్మ్ ఇన్స్టిట్యూట్లో చేరాల్సి వచ్చిందని వివరించారు.
ఎక్కువమంది చదివినవి : Arjun Sarja : ఆ హీరోయిన్ను చాలా మిస్సవుతున్నా.. ఆమె దూరమయ్యాకే అర్థం చేసుకున్న.. అర్జున్ సర్జా..
అయితే, ఈ నిర్ణయమే తన కెరీర్లో అత్యంత కీలకమైన మలుపు అని పృథ్వీరాజ్ చెప్పుకొచ్చారు. అక్కడ నాజర్, రఘువరన్, తలైవాసల్ విజయ్, అర్చన వంటి గొప్ప నటులతో కలిసి శిక్షణ పొందే అవకాశం లభించిందని తెలిపారు. ఆ సమయంలో పృథ్వీరాజ్ వయస్సు 17-18 ఏళ్లు కాగా, మిగతా నటులు 26-27 ఏళ్ల వారని పేర్కొన్నారు. స్టానిస్లావ్స్కీ, బ్రెహ్ట్, బాడీ మెకానిజం, మెథడ్ యాక్టింగ్ వంటి అంశాలపై వారు చర్చించుకుంటుంటే, నటనను నేర్చుకోవచ్చా అని తాను ఆశ్చర్యపోయానని అన్నారు. నటన అంటే పుట్టుకతో వచ్చేదని అప్పటివరకు భావించిన ఆయన, ఆ తర్వాతే దానికి ఒక పద్ధతి, ఒక శైలి ఉంటుందని నాజర్ గారి ద్వారా నేర్చుకున్నానని వెల్లడించారు. నాజర్ తన గురువు, స్నేహితుడు, తత్వవేత్త, మార్గదర్శకుడు అని, తనను ఒక కుమారుడిలా చూసుకుంటూ నటనలోని అన్ని మెళకువలను నేర్పించారని భావోద్వేగంగా తెలిపారు.
ఎక్కువమంది చదివినవి : Actor: ఒకప్పుడు కెమిస్ట్గా, వాచ్మన్గా పనిచేసి.. ఇప్పుడు తోపు నటుడు.. 200 కోట్లకు అధిపతి..
పెళ్లి సినిమా వచ్చి 25 ఏళ్లు అయినా, ఇంకా అదే యవ్వనంతో కనిపిస్తున్నారని వ్యాఖ్యాత అడిగిన ప్రశ్నకు పృథ్వీరాజ్ ఒక ఆసక్తికరమైన సమాధానం ఇచ్చారు. చాలా సంవత్సరాలుగా దీనికి కారణం హార్డ్ వర్క్, డైట్ అని చెప్పిన తాను, ఇప్పుడు అసలు కారణాన్ని వెల్లడిస్తున్నానని అన్నారు. తన 28 ఏళ్ల కుమారుడే తన యవ్వనానికి కారణమని ఆయన తెలిపారు. తన కుమారుడు ఇంకా ఒక చిన్నపిల్లవాడిలా ప్రవర్తిస్తాడని, అతని కోరికలు, సంతోషాలు చిన్నపిల్లవాడిలాగే ఉంటాయని అన్నారు. సాధారణ 28 ఏళ్ల కుమారుడు ఉంటే, అప్పటికే గర్ల్ఫ్రెండ్, భార్య, పిల్లలు ఉండి తనను తాతయ్యగా లేదా వృద్ధుడిగా మార్చేసేవాడని, కానీ తన కుమారుడు తనను యువకుడిగానే భావించేలా చేస్తున్నాడని పృథ్వీరాజ్ వివరించారు. తన మనస్సు, శరీరం, ఆత్మ అన్నీ 28 ఏళ్ల వయస్సులోనే ఉన్నాయని ఆయన నవ్వుతూ అన్నారు.
ఎక్కువమంది చదివినవి : Cinema : ఆద్యంతం సస్పెన్స్.. దుమ్మురేపుతున్న కోర్ట్ డ్రామా.. 7 సంవత్సరాలుగా ఓటీటీలో ట్రెండింగ్..
నాజర్..
Nassar
ఎక్కువమంది చదివినవి : Bigg Boss 10 Telugu : లక్షలు ఇస్తామన్నా వద్దన్నారు.. బిగ్ బాస్ 10 ఆఫర్ రిజెక్ట్ చేసిన సెలబ్రిటీస్ వీళ్లే..