అమెరికాలో ఏటా 2 లక్షల డాలర్లు అంటే 1.6 కోట్ల రూపాయల భారీ వేతనం అందుకుంటున్న ఓ ఎన్నారై టెక్కీ హెచ్-1బీ వీసా లాటరీలో ఎంపిక కాకపోవడంతో ఉద్యోగం కోల్పోయి భారత్కు తిరిగి రావాల్సి వచ్చింది. ప్రస్తుతం రూ.40 లక్షల అప్పుతో ఇక్కడి కఠినమైన ఉద్యోగ మార్కెట్లో తీవ్ర ఇబ్బందులు ఎదుర్కొంటున్నానని సోషల్ మీడియాలో తన ఆవేదనను పంచుకున్నారు. ‘హెచ్-1బీలో ఎంపిక కాకపోవడంతో భారత్కు బలవంతంగా తిరిగొచ్చాను. ఇక్కడి కఠినమైన టెక్ ఇంటర్వ్యూలతో సతమతమవుతున్నాను’ అనే శీర్షికతో రెడిట్లో పోస్ట్ చేశారు. తన వీసా గడువు ముగిసిపోవడం, పనిచేస్తున్న యూఎస్ కంపెనీకి భారత్లో కార్యాలయం లేకపోవడంతో బదిలీకి అవకాశం లేక తప్పనిసరి పరిస్థితుల్లో వెనక్కి రాక తప్పలేదని తెలిపారు. ఉన్నట్టుండి భారీ ఆదాయం సున్నాకి పడిపోవడం, స్వదేశానికి తిరిగి రావడం తనను తీవ్ర షాక్కు గురి చేసిందని అన్నారు. “ప్రస్తుతం ఇక్కడి జాబ్ మార్కెట్ అతిపెద్ద అడ్డంకిగా మారింది. పోటీ చాలా తీవ్రంగా ఉంది. తనన ఆశ్చర్యపరిచిన విషయం ఇంటర్వ్యూల్లో కఠినత్వం అనీ అమెరికాతో పోలిస్తే ఇక్కడ అడుగుతున్న ప్రశ్నలు చాలా అడ్వాన్స్డ్గా ఉన్నాయని అన్నారు. రూ.40 లక్షల అప్పు తీర్చాలన్న ఒత్తిడి తన మానసిక ప్రశాంతతను దెబ్బతీస్తోందని వివరించారు. ఈ కష్టమైన దశ నుంచి బయటపడటానికి సలహాలు ఇవ్వాలని ఆ టెక్కీ తన పోస్ట్లో కోరారు. ఈ పోస్ట్ వైరల్ కావడంతో నెటిజన్లు సలహాలు ఇచ్చారు. “అధిక జీతంపై ఆశలు తగ్గించుకుని, ముందు ఏదో ఒక ఉద్యోగంలో చేరడంపై దృష్టి పెట్టండి” అని ఒకరు సూచించారు. “మీ అంతర్జాతీయ అనుభవం, 2 లక్షల డాలర్ల జీతం అనే అహాన్ని పక్కనపెట్టండి. ఇప్పుడు రూ.15-20 లక్షల ప్యాకేజీ వచ్చినా అదృష్టమే” అని మరో యూజర్ వ్యాఖ్యానించారు. అమెరికా జీతంతో పోల్చుకోవద్దని, భారత మార్కెట్ పరిస్థితులకు అనుగుణంగా అంచనాలు పెట్టుకోవాలని చాలామంది సలహా ఇచ్చారు.
మరిన్ని వీడియోల కోసం ఇక్కడ క్లిక్ చేయండి
Also Watch:
భారత్లో ‘పెట్రోల్’ బావులేవి ??
హిప్పోల మెడ మీద వేలాడిన కత్తి.. కొలంబియా నిర్ణయంపై అంబానీ స్పందన
జ్యూస్ సెంటర్లలో జ్యూస్ తాగుతున్నారా.. ఒక్కసారి ఈ వీడియో చూడండి
అందరి డౌట్స్ను పటాపంచలు చేసిన కింగ్
కింగ్ మేకర్ అవ్వాల్సిన హీరో.. ఫేడవుట్ అయ్యాడంటే ఆ తప్పే కారణం
