భారతీయ సినిమా గ్లోబల్ టార్గెట్గా దూసుకుపోతున్న నేపథ్యంలో, భారీ చిత్రాల ప్రమోషన్స్ విధానంలో సరికొత్త పోకడలు కనిపిస్తున్నాయి. షూటింగ్ దశ నుంచే ప్రత్యేక శ్రద్ధ తీసుకుంటూ, అంతర్జాతీయ ప్రేక్షకులను ఆకట్టుకునేలా ప్రచార వ్యూహాలు రచిస్తున్నారు. ఈ నేపథ్యంలో, అగ్ర దర్శకుడు ఎస్ఎస్ రాజమౌళి తదుపరి చిత్రం వారణాసి ప్రమోషన్స్ తీరుపై చర్చ మొదలైంది. ముఖ్యంగా బాలీవుడ్ నిర్మిస్తున్న రామాయణం చిత్రం జూలైలో జరిగే కామికాన్ ఈవెంట్లో ట్రైలర్ విడుదల చేసి ప్రపంచవ్యాప్తంగా దృష్టిని ఆకర్షిస్తోంది. గతంలో కల్కి 2898 ఏడి కూడా కామికాన్ను వేదికగా చేసుకొని అంతర్జాతీయ స్థాయిలో బజ్ సృష్టించింది. అయితే వారణాసి చిత్రానికి సంబంధించి కామికాన్ వేదికపై ఎటువంటి ప్రమోషనల్ అడుగులు లేకపోవడం విస్మయాన్ని కలిగిస్తోంది. దీంతో రాజమౌళి ప్రమోషన్స్లో వెనుకబడ్డారా అనే సందేహాలు తలెత్తుతున్నాయి.
మరిన్ని వీడియోల కోసం :
