డ్రాగన్ ఫ్రూట్ అంటే..?: కాక్టస్ జాతికి చెందిన ఈ పండును హిందీలో కమలం అని కూడా పిలుస్తారు. దీని పై తొక్క గులాబీ లేదా ఎరుపు రంగులో ఉండి, ఆకుపచ్చని ముళ్ల వంటి భాగాలతో డ్రాగన్ ఆకారాన్ని పోలి ఉండటం వల్ల దీనికి ఆ పేరు వచ్చింది. ఇందులో తెల్లటి గుజ్జు, ఎర్రటి గుజ్జు గల రెండు ప్రధాన రకాలు అందుబాటులో ఉన్నాయి.
చర్మ ఆరోగ్యానికి ఎలా తోడ్పడుతుంది?: డ్రాగన్ ఫ్రూట్లో విటమిన్ సి, యాంటీఆక్సిడెంట్లు, ఫైబర్ పుష్కలంగా ఉంటాయి. ఇందులో ఉండే విటమిన్ సి చర్మంలో కొల్లాజెన్ను పెంచి చర్మాన్ని దృఢంగా, యవ్వనంగా ఉంచుతుంది. ఇది ముడతలు, సన్నని గీతలను తగ్గిస్తుంది. ఇది శరీరం నుండి విష పదార్థాలను బయటకు పంపడం ద్వారా చర్మానికి లోపలి నుండి సహజమైన మెరుపును ఇస్తుంది. చర్మంపై వాపును తగ్గించి, మొటిమలు మరియు మచ్చల సమస్యను దూరం చేస్తుంది. విటమిన్ ఇ, అధిక నీటి శాతం ఉండటం వల్ల చర్మం పొడిబారకుండా మృదువుగా మారుతుంది.
14 రోజుల మ్యాజిక్: నిపుణుల ప్రకారం.. డ్రాగన్ ఫ్రూట్ను ఆహారంలో భాగంగా చేసుకుంటే దశలవారీగా ఫలితాలు కనిపిస్తాయి. మొదటి వారం చర్మంలో పొడిదనం తగ్గి, ముఖం తాజాగా కనిపిస్తుంది. 10వ రోజు నాటికి చర్మపు రంగు మెరుగుపడి, అలసట తగ్గుతుంది.14వ రోజుకు చర్మం తన సహజ కాంతిని, మృదుత్వాన్ని తిరిగి పొందుతుంది.
ఎలా తీసుకోవాలి?: ఈ పండును పరగడుపున లేదా ఉదయం అల్పాహారంతో తీసుకోవడం శ్రేయస్కరం. జ్యూస్ లేదా స్మూతీ రూపంలో తీసుకుంటే పోషకాలు త్వరగా శరీరానికి అందుతాయి. అంతేకాకుండా దీని గుజ్జును నేరుగా ముఖానికి ఫేస్ మాస్క్లా వేసుకోవడం వల్ల చర్మం తక్షణ ఉపశమనం పొందుతుంది.
డ్రాగన్ ఫ్రూట్ కేవలం సౌందర్యానికే కాదు, తక్కువ కేలరీలు ఉండటం వల్ల బరువు తగ్గడానికి కూడా ఎంతో ఉపయోగపడుతుంది. అయితే కేవలం ఆహారమే కాకుండా సరైన నిద్ర, తగినంత నీరు, ఆరోగ్యకరమైన జీవనశైలిని పాటించినప్పుడే ఈ సౌందర్య ఫలం పూర్తి ఫలితాలను ఇస్తుందని నిపుణులు సూచిస్తున్నారు.
