సాధారణ పవర్ బ్యాంకులకు భిన్నంగా, బిల్ట్-ఇన్ టైప్-సి కేబుల్, 65W ఫాస్ట్ సెల్ఫ్-ఛార్జింగ్ సపోర్ట్తో ఈ డివైస్ వస్తోంది. కేవలం 2.5 గంటల్లో పూర్తి ఛార్జ్ అయ్యే ఈ పవర్ బ్యాంక్, విమాన ప్రయాణాలకు కూడా పూర్తిగా సురక్షితమైనది. మేడ్ ఇన్ ఇండియాగా రానున్న ఈ అద్భుతమైన గ్యాడ్జెట్ పూర్తి విశేషాలను తెలుసుకుందాం!
ప్రత్యేకతలు, డిజైన్
షావోమి పవర్ బ్యాంక్ 5i ప్రధాన ఆకర్షణ దీనిలో ఉన్న ఇంటర్గ్రేటెడ్ (బిల్ట్-ఇన్) టైప్-సి కేబుల్. ఎప్పుడైనా కేబుల్స్ మోసుకెళ్లే టెన్షన్ లేకుండా, అవసరమైనప్పుడు బయటకు తీసి వాడొచ్చు. ఇది కేవలం కేబుల్ మాత్రమే కాదు, అత్యధికంగా 67W అవుట్పుట్ను అందిస్తుంది. దీనివల్ల షావోమి స్మార్ట్ఫోన్లతో పాటు మ్యాక్బుక్ ఎయిర్ వంటి ల్యాప్టాప్లను కూడా సులభంగా ఛార్జ్ చేసుకోవచ్చు.
పోర్ట్స్, మల్టీ-డివైస్ ఛార్జింగ్
ఈ పవర్ బ్యాంకులో మొత్తం మూడు అవుట్పుట్ మార్గాలు ఉన్నాయి.
- ఇంటర్గ్రేటెడ్ కేబుల్: 67W వరకు ఫాస్ట్ ఛార్జింగ్ ఇస్తుంది.
- USB-C పోర్ట్ (OUT2): PD 3.0, PPS, QC 3.0 ప్రోటోకాల్స్తో 67W వరకు సపోర్ట్ చేస్తుంది.
- USB-A పోర్ట్ (OUT3): పాత గ్యాడ్జెట్లు, ఇయర్ బడ్స్ కోసం ఉపయోగపడుతుంది.
సింగిల్ పోర్ట్ వాడినప్పుడు పూర్తి 67W పవర్ లభిస్తుంది. అదే సమయంలో ఒకటి కంటే ఎక్కువ పోర్ట్స్ వాడితే, పవర్ 15W వరకు షేర్ అవుతుంది.
భారీ బ్యాటరీ, ఫాస్ట్ రీఛార్జ్
ఇందులో 20,000mAh కెపాసిటీ (3 × 6,700mAh సెల్స్) ఉంది. దీనికి ఉన్న మరో గొప్ప ఫీచర్ 65W ఇన్పుట్ స్పీడ్. సరైన అడాప్టర్ సహాయంతో ఈ పవర్ బ్యాంక్ కేవలం 2.5 గంటల్లోనే జీరో నుంచి వంద శాతం ఛార్జ్ అవుతుంది. అలాగే ఇందులో ఉన్న డిజిటల్ డిస్ప్లే ద్వారా బ్యాటరీ పర్సంటేజ్ కచ్చితంగా ఎంత ఉందో స్పష్టంగా తెలుసుకోవచ్చు.
విమాన ప్రయాణాలు
ఈ డివైస్ ఓవర్హీటింగ్, ఓవర్వోల్టేజ్, షార్ట్ సర్క్యూట్ వంటి మల్టీ-లేయర్ సేఫ్టీ ప్రొటెక్షన్తో వస్తుంది. దీని రేటెడ్ ఎనర్జీ 74.37Wh కావడం వల్ల, అంతర్జాతీయ విమానయాన నిబంధనల ప్రకారం దీన్ని హ్యాండ్ లగేజ్లో విమానంలో తీసుకెళ్లడానికి అనుమతి ఉంది. రూ. 2,500 నుంచి రూ. 3,000 ధరల శ్రేణిలో లభించే అవకాశం ఉన్న ఈ పవర్ బ్యాంక్, ప్రయాణాలు ఎక్కువగా చేసేవారికి, ల్యాప్టాప్ యూజర్లకు ఒక పర్ఫెక్ట్ ఎంపిక. జూలై 23న అధికారిక లాంచ్ తర్వాత పూర్తి ధరల వివరాలు వెల్లడి కానున్నాయి. మీరు ఒక శక్తివంతమైన, నమ్మకమైన పవర్ బ్యాంక్ కోసం చూస్తుంటే, షావోమి 5i కోసం మరో కొన్ని రోజులు వేచి చూడాల్సిందే.
