హర్మన్ప్రీత్ కౌర్ అద్భుతమైన బ్యాక్ఫ్లిప్ క్యాచ్ పట్టిందంటూ వైరల్ అయిన వీడియో నిజమైనది కాదు. సోషల్ మీడియాలో విస్తృతంగా షేర్ అవుతున్న ఈ క్లిప్ ఏఐ జనరేటేట్ వీడియోగా తేలింది. వీడియోలో ఓ మహిళా క్రికెటర్ పరుగెత్తుకుంటూ వచ్చి గాల్లో సోమర్సాల్ట్ చేస్తూ క్యాచ్ పట్టినట్టు కనిపిస్తుంది. కొందరు నెటిజన్లు ఆమెను హర్మన్ప్రీత్గా పేర్కొన్నారు.
సోషల్ మీడియాలో భారీ ప్రచారం..
అసాధారణంగా కనిపించిన ఈ క్యాచ్ వీడియో సహజంగానే సోషల్ మీడియా దృష్టిని ఆకర్షించింది. అత్యంత కష్టమైన రీతిలో ఫీల్డర్ క్యాచ్ అందుకున్నట్టుగా ఫుటేజ్ ఉండటంతో పలువురు దాన్ని నిజమైనదిగా భావించారు. అయితే వీడియోలో కనిపించే దృశ్యాలు వాస్తవ మ్యాచ్లో చోటుచేసుకున్నవి కావు.
ఏఐ ఫుటేజ్తో పెరుగుతున్న ముప్పు..
ఏఐ జనరేటేడ్ కంటెంట్ వేగంగా విస్తరిస్తుండటంతో నిజమైన ఫుటేజ్, డిజిటల్గా రూపొందించిన వీడియో మధ్య తేడాను గుర్తించడం కష్టమవుతోంది. వినోదం కోసం కొందరు ఇలాంటి వీడియోలను షేర్ చేసినా.. అవి అసలైన మ్యాచ్ వీడియోలుగా ప్రచారం అయితే ప్రేక్షకులను తప్పుదోవ పట్టించే అవకాశం ఉంటుంది.
డీప్ ఫేక్ వీడియోలను ఎలా గుర్తించాలి?
#viralvídeo
I am confirmed. You have not seen such a catch in your life ☺️ pic.twitter.com/CeRSd1NLtO— Prof.Sarita Sidh (@profsaritasidh) September 10, 2026
డీప్ ఫేక్ టెక్నాలజీ (Deepfake technology) ద్వారా వీడియోలు, ఫొటోలు, ఆడియోలను మార్చి.. ఒక వ్యక్తి అసలు చేయని పనిని చేసినట్టుగా చూపించవచ్చు. ముఖ్యంగా ప్రముఖ క్రీడాకారులు, సెలబ్రిటీలకు సంబంధించిన ఫొటోలు, వీడియోలు ఆన్లైన్లో విస్తారంగా అందుబాటులో ఉండటం వల్ల ఇలాంటి నకిలీ కంటెంట్ తయారీకి అవకాశం ఎక్కువగా ఉంటుంది.
అసాధారణంగా పర్ఫెక్ట్గా లేదా వాస్తవానికి మించిన దృశ్యాలు కనిపించినప్పుడు వెంటనే నమ్మకుండా ఒరిజినల్ సోర్స్ (original source) ను పరిశీలించడం మంచిది. సోషల్ మీడియా ప్రైవసీ సెట్టింగ్స్ (privacy settings)ను బలోపేతం చేయడం, బలమైన పాస్వర్డ్లు ఉపయోగించడం, ఖాతాలకు అదనపు సెక్యూరిటీ పెట్టుకోవడం కూడా ఉపయోగపడతాయి.
షేర్ చేసే ముందు చెక్ చేయాలి..
వైరల్ అవుతున్న ప్రతి క్రికెట్ వీడియో (cricket video) నిజమైన మ్యాచ్ ఫుటేజ్ కాదనే విషయాన్ని ఈ ఘటన మరోసారి గుర్తుచేస్తోంది. ముఖ్యంగా ప్రముఖ ఆటగాళ్ల పేర్లతో వచ్చే అసాధారణ వీడియోలను షేర్ చేసే ముందు వాటి మూలాన్ని నిర్ధారించుకోవడం కీలకం. హర్మన్ప్రీత్ కౌర్ బ్యాక్ఫ్లిప్ క్యాచ్గా ప్రచారం పొందిన ఈ వీడియో కూడా ఇదే విధంగా ఏఐతో చేసింది.
మరిన్ని క్రికెట్ వార్తల కోసం ఇక్కడ క్లిక్ చేయండి..