హాలీవుడ్ స్టార్ డైరెక్టర్ స్టీవెన్ స్పీల్బర్గ్ గురించి ప్రత్యేక పరిచయం అక్కర్లేదు. ఇంగ్లిష్ లో సైన్స్ ఫిక్షన్ సినిమాలకు ఆయన కేరాఫ్ అడ్రస్. తెలుగు ఆడియెన్స్ కూడా ఈ డైరెక్టర్ సినిమాలు తెగ చూసేస్తారు. జురాసిక్ పార్క్, క్యాచ్ మీ ఇఫ్ యూ కెన్, మ్యూనిచ్, ద టెర్మినల్, ఇండియానా జోన్స్.. ఇలా ఎన్నో సూపర్ హిట్ సినిమాలకు ప్రాణం పోశారు స్టీవెన్ స్పీల్ బర్గ్. అలా 79 ఏళ్ల వయసులో ఆయన తెరకెక్కించిన చిత్రం ‘డిస్క్లోజర్ డే’. హాలీవుడ్ టాప్ నటి ఎమిలీ బ్లంట్ ఈ సినిమాలో కీలక పాత్ర పోషించింది. అలాగే జోష్ ఓ కానర్, కోలిన్ ఫర్త్, ఈవ్ హ్యూసన్, కోల్మన్ డొమింగో తదితర స్టార్స్ ఈ సినిమాలో భాగమయ్యారు. గత నెల 12న ప్రపంచవ్యాప్తంగా థియేటర్లలో రిలీజైన ఈ సినిమా సూపర్ హిట్ గా నిలిచింది. ఏలియన్స్ కాన్పెప్ట్తో తీసిన ఈ చిత్రం వరల్డ్ వైడ్ గా బాక్సాఫీస్ వద్ద భారీ కలెక్షన్లు రాబట్టింది. ఇండియాలోనూ ఈ సినిమాకు మంచి కలెక్షన్లు వచ్చాయి. థియేటర్లలో ఆడియెన్స్ కు మంచి థ్రిల్లింగ్ ఎక్స్పీరియెన్స్ అందించిన డిస్ క్లోజర్ ఇప్పుడు ఓటీటీలోకి వచ్చేసింది.
ఇవి కూడా చదవండి
ఈ సినిమా డిజిటల్ స్ట్రీమింగ్ హక్కులు ప్రముఖ ఓటీటీ సంస్థ అమెజాన్ ప్రైమ్ వీడియో దగ్గర ఉన్నాయి. ఈ నేపథ్యంలో మంగళవారం నుంచి ఈ సినిమా ఓటీటీలోకి అందుబాటులోకి వచ్చింది. అయితే ఇక్కడే ఓ ట్విస్ట్ ఉంది. ప్రస్తుతం ఈ సినిమా కేవలం విదేశాల్లో మాత్రమే అందుబాటులోకి వచ్చింది. అది కూడా రెంటల్ బేసిస్ లో మాత్రమే. అయితే ఈ శుక్రవారం (జులై 24) ఇండియన్ ఆడియెన్స్ కు కూడా ఈ సినిమా అందుబాటులోకి వచ్చే అవకాశం ఉంది. కాగా డిస్ క్లోజర్ డే చిత్రానికి ఐఎమ్ డీబీలో 10 పాయింట్లకు గానూ 6.7 రేటింగ్ ఉంది దాదాపు 2 గంటల 27 నిమిషాల నిడివి (147 నిమిషాలు) తో సాగే ఈ చిత్రం ఆడియెన్స్ కు మంచి థ్రిల్లింగ్ ఎక్స్ పీరియెన్స్ ను అందిస్తుందని చెప్పవచ్చు.
అమెజాన్ ప్రైమ్ వీడియోలో డిస్ క్లోజర్ డే..
🎬 #DisclosureDay is now available on #PrimeVideo to Rent or Buy! 🍿✨
🎧 Hindi • English
💳 Digital/VOD
📺 Streaming now on Amazon Prime Video Store (US) 🇺🇸#DisclosureDay pic.twitter.com/q46PQGWrPC— MuthuYoghi (@muthuyoghioficl) July 21, 2026
