మహాకుంభ వైరల్ గర్ల్, మోనాలిసా భోస్లే! 2025లో ప్రయాగ్రాజ్ మహాకుంభ మేళాలో మోనాలిసా రుద్రాక్ష మాలలు అమ్ముతుండగా తీసిన ఫోటోలు, వీడియోలతో ఈమె ఒక్కసారిగా వైరల్ అయ్యారు. ఆమె కళ్లు, చిరునవ్వు చూసి జనం ఎగబడ్డారు, ‘కుంభ బ్యూటీ’ అంటూ ముద్దుగా పిలుచుకున్నారు. ఆ క్రేజ్ తోనే ఆమెకు సినిమాల ఆఫర్లు వచ్చాయి. డైరెక్టర్ సనోజ్ మిశ్రా తన ‘ది డైరీ ఆఫ్ మణిపూర్’ సినిమాలో హీరోయిన్ ఛాన్స్ ఇచ్చారు. యాక్టింగ్ ట్రైనింగ్ కూడా ఇప్పించాడు. ఫిబ్రవరి 2026లో షూటింగ్ కూడా పూర్తయిందని వార్తలు వచ్చాయి. కానీ సినిమా రిలీజ్ కాకుండానే ఆమె లైఫ్ లో పెద్ద మలుపు తిరిగింది. మలయాళ సినిమా ‘నాగమ్మ’ పూజా కార్యక్రమంలో మోనాలిసాకు ఫర్మాన్ ఖాన్ పరిచయమయ్యాడు. ఆ సినిమాలో తాను విలన్ పాత్ర చేస్తున్నానని, మోనాలిసా హీరోయిన్ అని ఫర్మాన్ చెప్పాడు. సెట్స్ లోనే ఇద్దరి మధ్య ప్రేమ చిగురించింది. ఆ తర్వాత మార్చి 11, న కేరళలోని తిరువనంతపురం గుడిలో ఇద్దరూ పెళ్లి చేసుకున్నారు. తనను ఇంట్లో వాళ్లు బలవంతంగా తీసుకెళ్తారేమోనని మోనాలిసా పోలీసు రక్షణ కూడా కోరింది. చుట్టాలలో పెళ్లి చేయాలని ఫ్యామిలీ ఒత్తిడి తెచ్చిందని, తన ఇష్టప్రకారమే ఫర్మాన్తో ఉంటున్నానని స్పష్టం చేసింది. ప్రెగ్నెన్సీ రూమర్స్, వయసు వివాదాలు కూడా ఈ జంట చుట్టూ తిరిగాయి. వీరి పెళ్లి బయటకు రాగానే సోషల్ మీడియాలో పెద్ద రచ్చ మొదలైంది. వేర్వేరు మతాల వారు కావడంతో కొందరు దీన్ని ‘లవ్ జిహాద్’ అని ప్రచారం చేశారు. తమ కూతురిని లవ్ జిహాద్ ట్రాప్ లో ఇరికించారని మోనాలిసా తండ్రి కూడా ఆరోపించారు. అయితే ఆ ఆరోపణలను మోనాలిసా, ఫర్మాన్ ఇద్దరూ కొట్టిపారేశారు. హిందూ సంప్రదాయం ప్రకారమే గుడిలో పెళ్లి జరిగిందని, ఎవరూ మతం మార్చుకోలేదని మోనాలిసా చెప్పింది. మతమే కాఆదు.. వయసు విషయంలోనూ గందరగోళం నెలకొంది. మొదట ఆమె వయసు 16 ఏళ్లు అని ప్రచారం జరగ్గా, పెళ్లి సమయంలో తనకు 18 ఏళ్లు అని మోనాలిసా చెప్పింది. ఈ కేసు ఇంకా కోర్టు లో నడుస్తున్నా, మోనాలిసా మాత్రం వాటిని పట్టించుకోకుండా సోషల్ మీడియా, యూట్యూబ్ లో బిజీగా ఉంది. భర్తతో కలిసి రీల్స్, వీడియోలు చేస్తోంది కానీ, ట్రోలింగ్ భయంతో కామెంట్ సెక్షన్ ఆఫ్ చేసి ఉంచుతోంది. మరోవైపు, బాలీవుడ్ ఎంట్రీ అనుకున్న ‘ది డైరీ ఆఫ్ మణిపూర్’ ఆగిపోయింది. షూటింగ్ సమయంలో డైరెక్టర్ సనోజ్ మిశ్రా తనతో అసభ్యంగా ప్రవర్తించాడని మోనాలిసా ఆరోపించింది. ఆ ఆరోపణలను సనోజ్ ఖండించడమే కాకుండా, ఇకపై ఆ సినిమాను రిలీజ్ చేయనని తేల్చి చెప్పాడు. అయినప్పటికీ మోనాలిసా సినీ ప్రయాణం పూర్తిగా ఆగిపోలేదు. ఆమె నటించిన రెండు సౌత్ సినిమాలు సిద్ధంగా ఉన్నాయని, త్వరలో విడుదలయ్యే అవకాశం ఉందని మోనాలిసానే ఓ వీడియోలో చెప్పింది. తెలుగు నటి కల్పలత తో కలిసి కూడా రీసెంట్గా ఆమె ఒక వీడియోలో కనిపించింది.
మరిన్ని వీడియోల కోసం ఇక్కడ క్లిక్ చేయండి
Also Watch:
Sudigali Sudheer: సొంత సినిమాను గాలికొదిలేశాడు! సుధీర్ తీరుపై తీవ్ర విమర్శలు