నియో-రెట్రో స్టైల్ బైక్లపై యువతలో ఆసక్తి రోజురోజుకూ పెరుగుతోంది. అయితే అలాంటి లుక్ కోసం 150 సిసి లేదా అంతకంటే పై సెగ్మెంట్కే వెళ్లాల్సిన అవసరం లేదు. 125 సిసి విభాగంలో కూడా ఆకర్షణీయమైన డిజైన్తో ఒక ప్రత్యేకమైన మోడల్ అందుబాటులో ఉంది, అదే Keeway SR 125. చైనాకు చెందిన టూ వీలర్ వాహన తయారీ సంస్థ Keeway రూపొందించిన ఈ బైక్ను భారతదేశంలో ఆదిశ్వర్ ఆటో రైడ్ ఇండియా విక్రయిస్తోంది. 2022లో మార్కెట్లోకి వచ్చిన ఈ మోడల్, ఇప్పటికీ సాధారణంగా కనిపించని, యూనిక్ లుక్ కోరుకునే కస్టమర్లను లక్ష్యంగా చేసుకుంది.
ఈ బైక్ క్లాసీ రెడ్, క్లాసీ వైట్, క్లాసీ బ్లాక్ రంగుల్లో లభిస్తుంది. 125 సిసి, సింగిల్ సిలిండర్, ఎయిర్ కూల్డ్ ఇంజన్తో వచ్చే ఈ వాహనం 9.7 హెచ్పీ పవర్, 8.2 ఎన్ఎమ్ టార్క్ ఉత్పత్తి చేస్తుంది. 5-స్పీడ్ గేర్బాక్స్తో కూడిన ఈ బైక్ గరిష్టంగా 100 కి.మీ/గం వేగాన్ని అందుకోగలదు. అయితే పనితీరు పరంగా చూస్తే, ఇది హోండా షైన్ 125 వంటి బైక్ల కంటే కొంత వెనుకబడినట్టే. షైన్ 125లో 10.7 హెచ్పీ పవర్, 11 ఎన్ఎమ్ టార్క్ లభిస్తుండగా, SR 125లో ఇవి తక్కువగా ఉండటం గమనార్హం. అదనంగా సుమారు 120 కిలోల బరువుతో ఇది కొంచెం హెవీగా ఉంటుంది.
సస్పెన్షన్ విషయానికి వస్తే, ముందు టెలిస్కోపిక్ ఫోర్క్, వెనుక 5-స్టెప్ అడ్జస్టబుల్ షాక్ అబ్జార్బర్ అందించారు. 17 అంగుళాల వైర్ స్పోక్ వీల్స్, డ్యూయల్ పర్పస్ టైర్లు, 300 మిమీ డిస్క్ బ్రేక్ వంటి ఫీచర్లు దీని రఫ్ అండ్ క్లాసిక్ లుక్ను మరింత హైలైట్ చేస్తాయి. ధర విషయానికి వస్తే ఈ బైక్ రూ. 1.25 లక్షల ఎక్స్-షోరూమ్ ధరతో అందుబాటులో ఉంది. ఇది 125 సిసి సెగ్మెంట్కు కాస్త ఎక్కువగానే ఉన్నప్పటికీ, ప్రత్యేకమైన డిజైన్ను కోరుకునే వారికి ఇది ఒక మంచి ఎంపికగా నిలుస్తుంది. TVS Raider 125, Honda SP125, Bajaj Pulsar 125 వంటి మోడళ్లకు భిన్నమైన ప్రత్యామ్నాయంగా దీన్ని పరిగణించవచ్చు. అయితే డీలర్షిప్లు పరిమితంగా ఉండటం, సర్వీస్ సెంటర్ల కొరత వంటి అంశాలు కొనుగోలు నిర్ణయంపై ప్రభావం చూపవచ్చు. అందువల్ల కొనుగోలు చేసే ముందు మీ ప్రాంతంలో సర్వీస్ అందుబాటును పరిశీలించడం మంచిది.
మరిన్ని టెక్ వార్తల కోసం ఇక్కడ క్లిక్ చేయండి
