వృషభం: ఈ రాశికి మరో ఎనిమిది నెలల పాటు దశమ స్థానంలో రాహువు సంచారం చేయడం జరుగుతుంది. ఈ రాశికి చెందిన ఉద్యోగులు, నిరుద్యోగులకు విదేశీ అవకాశాలు లభించే అవకాశం ఎక్కువగా ఉంది. విదేశాల్లో ఉన్న ఉద్యోగులకు స్థిరత్వం లభిస్తుంది. వృత్తి, వ్యాపారాలు కూడా తరచూ మార్పులు, చేర్పులతో బిజీగా సాగిపోయే అవకాశం ఉంది. దశమంలో రాహువు సంచారం చేస్తున్నప్పుడు సహోద్యోగులు, సీనియర్లు కుట్రలు, కుతంత్రాలకు పాల్పడే అవకాశం ఉంటుంది.
మిథునం: ఈ రాశికి దశమంలో ఈ ఏడాదంతా శని, మరో రెండు నెలల పాటు బుధ, కుజ గ్రహాలు సంచారం చేయడం వల్ల వృత్తి, ఉద్యోగ, వ్యాపారాల్లో యాక్టివిటీ ఎక్కువగా ఉంటుంది. ఉద్యోగాల్లో బాధ్యతలు బాగా పెరుగుతాయి. అధికారులు ఎక్కువగా ఆధారపడే అవకాశం కూడా ఉంది. వృత్తి, వ్యాపారాల్లో బాగా శ్రమాధిక్యతకు అవకాశం ఉంటుంది. బిజీగా సాగిపోతాయి. ఉద్యోగం మారడానికి అవకాశం ఉంది. నిరుద్యోగులకు విదేశాల నుంచి కూడా మంచి ఆఫర్లు అందే సూచనలున్నాయి.
కర్కాటకం: ఈ రాశికి 20వ తేదీ వరకు శుక్రుడు, 14 నుంచి ఉచ్ఛ రవి దశమంలో సంచారం చేస్తున్నందు వల్ల ఉద్యోగంలో ఊహించని పదోన్నతులు లభించే అవకాశం ఉంది. కొద్ది ప్రయత్నంతో అత్యు న్నత స్థాయి ఉద్యోగం లభించే అవకాశం కూడా ఉంది. వృత్తి, వ్యాపారాల్లో డిమాండ్ బాగా వృద్ధి చెందుతుంది. ఉద్యోగంలో ఇష్టమైన ప్రాంతానికి బదిలీ అయ్యే అవకాశముంది. నిరుద్యోగులకు విదేశీ ఆఫర్లు కూడా అందే అవకాశం ఉంది. ఉద్యోగ జీవితంలో కొన్ని ఘన విజయాలు సాధిస్తారు.
కన్య: ఈ రాశికి మరో రెండు నెలల పాటు దశమ స్థానంలో గురువు సంచారం వల్ల ఉద్యోగంలో పదో న్నతి లభించడానికి ఎక్కువగా అవకాశం ఉంది. ఉద్యోగం మారే సూచనలు కూడా ఉన్నాయి. ఉద్యోగ జీవితంలో ప్రాధాన్యం, ప్రాభవాలతో పాటు గౌరవ మర్యాదలు కూడా బాగా పెరుగుతాయి. తప్పకుండా అధికార యోగం పడుతుంది. వృత్తి, వ్యాపారాల్లో లావాదేవీలు, కార్యకలాపాలు బాగా విస్తరిస్తాయి. వృత్తి, ఉద్యోగాలరీత్యా తరచూ విదేశాలకు వెళ్లే అవకాశం తప్పకుండా కలుగుతుంది.
వృశ్చికం: ఈ రాశికి ఈ ఏడాది చివరి వరకు దశమంలో కేతువు సంచారం చేస్తున్నందువల్ల ఉద్యోగంలో తరచూ మార్పులు, చేర్పులు చోటు చేసుకుంటుంటాయి. బాధ్యతల మార్పు, అధికారాల మార్పు ఎక్కువగా జరుగుతుంది. ఉద్యోగం మారడానికి అవకాశం ఉంది. వృత్తి, వ్యాపారాల్లో యాక్టివిటీ బాగా పెరుగుతుంది. వృత్తి, ఉద్యోగాలరీత్యా ఎక్కువగా ప్రయాణాలు చేయవలసి వస్తుంది. అధికారులు అతిగా ఆధారపడే అవకాశం ఉంది. పని ఒత్తిడి వల్ల విశ్రాంతి కరువయ్యే అవకాశం ఉంది.
