క్యారెట్లు: క్యారెట్లలో బీటా-కెరోటిన్ సమృద్ధిగా ఉంటుంది. మన శరీరం దీనిని విటమిన్-A గా మారుస్తుంది, ఇది కంటి చూపుకు, చర్మ ఆరోగ్యానికి, రోగనిరోధక శక్తికి చాలా ఉపయోగపడుతుంది. క్యారెట్లను ఉడికించడం వల్ల అందులోని బీటా-కెరోటిన్ కొంతవరకు తగ్గిపోవచ్చు. కాబట్టి, వీటిని ఎక్కువగా పచ్చిగా తినేందుకు ట్రై చేయండి. ఇలా తినడం వల్ల పూర్తి విటమిన్లు అందడమే కాకుండా మంచి రుచిని కూడా ఇస్తాయి.
పాలకూర: పాలకూరలో ఐరన్, ఫోలేట్, విటమిన్-K పుష్కలంగా ఉంటాయి. అయితే, దీనిని ఉడికించడం వల్ల అందులోని విటమిన్-C గణనీయంగా తగ్గిపోతుంది. పచ్చి పాలకూరలో నీటిలో కరిగే విటమిన్లు, కంటి ఆరోగ్యానికి మేలు చేసే లూటిన్ అనే యాంటీ ఆక్సిడెంట్ అధికంగా ఉంటాయి. కాబట్టి వీటిని ఉండికించి తినడం కంటే పచ్చిగా తినడం మరింత ప్రయోజనకరంగా ఉంటుందట.
బ్రోకలీ: బ్రోకలీలో విటమిన్-C, ఫైబర్, సల్ఫోరాఫేన్ అనే శక్తివంతమైన యాంటీ ఆక్సిడెంట్ ఉంటుంది. దీన్ని ఉడికించినప్పుడు వేడి వల్ల ఇందులో ఉండే విటమిన్-C దెబ్బతినడమే కాకుండా, క్యాన్సర్ నిరోధక గుణాలున్న సల్ఫోరాఫేన్ పరిమాణం కూడా ఘననీయంగా తగ్గుతుంది. కాబట్టి బ్రోకలీని సలాడ్లలో పచ్చిగా తీసుకోవడం ఆరోగ్యానికి చాలా మంచిది.
క్యాప్సికమ్ : వీటిలో విటమిన్-C చాలా ఎక్కువగా ఉంటుంది. ఇది చర్మ ఆరోగ్యానికి, శరీరంలో రోగనిరోధక శక్తిని పెంచడంలో ఎంతగానో తోడ్పడుతుంది. కానీ వీటిని ఉడికించడం వల్ల క్యాప్సికమ్లోని విటమిన్-C శాతం తగ్గిపోతుంది. వీటిని పచ్చిగా తినడం వల్ల పూర్తి పోషకాలతో పాటు శరీరానికి మేలు చేసే కెరోటినాయిడ్స్ కూడా అందుతాయి.
టమోటాలు : టమోటాలలో విటమిన్-C, పొటాషియం, లైకోపీన్ ఉంటాయి. నిజానికి టమోటాలను ఉడికించినప్పుడు లైకోపీన్ లభ్యత పెరుగుతుంది, కానీ విటమిన్-C మాత్రం తగ్గిపోతుంది. అందుకే మీ ఆహారంలో టమోటాలను అటు ఉడికించి, ఇటు పచ్చిగా రెండింటినీ చేర్చుకోవడం వల్ల అన్ని రకాల ప్రయోజనాలను పొందవచ్చు.( Note: పైన పేర్కొన్న అంశాలు ఇంటర్నెట్ నుంచి సేకరించిన సమాచారం మేరకు మాత్రమే అందించబడినవి.. వీటిని Tv9 దృవీకరించడం లేదు)
