సీనియర్ నటి భానుప్రియ తన సుదీర్ఘ సినీ ప్రస్థానం, బాలీవుడ్ అనుభవాలు, డబ్బింగ్ ప్రయాణం, బరువు పెరగడానికి గల కారణాలపై ఇటీవల జరిగిన ఒక ఇంటర్వ్యూలో మనసు విప్పి మాట్లాడారు. తెలుగులో భానుప్రియ కెరీర్ విజయవంతంగా సాగింది కానీ, హిందీలో మాత్రం ఆశించినంత విజయం లభించలేదని ఆమె పేర్కొన్నారు. బాలీవుడ్లో చేసిన చాలా సినిమాలు ఫ్లాప్లయ్యాయని, ఖుద్గర్జ్ వంటి హిట్ చిత్రాల్లో కూడా తన పాత్ర నిడివి చాలా తక్కువ అని ఆమె తెలిపారు. ఆ సమయంలో తెలుగు సినిమాలపైనే ఎక్కువ దృష్టి సారించానని, హిందీకి వెళ్లిన తర్వాత తెలుగులో అవకాశాలు తగ్గాయని చెప్పారు. బాలీవుడ్లో ఎక్కువ డేట్స్, ముంబైలో నివాసం ఉండాల్సి రావడం కష్టంగా ఉండేదని వివరించారు. అయితే బాలీవుడ్లో తన మొదటి సినిమా దోస్తీ దుష్మనీలో నటుడు జితేంద్ర తనను ఎంతగానో ప్రోత్సహించారని భానుప్రియ గుర్తుచేసుకున్నారు. అప్పట్లో హిందీ భాష సరిగా రాకపోవడంతో డైలాగ్స్ను రాసుకుని చదివేదాన్నని, జితేంద్ర సెట్స్లో ఎంతో స్ఫూర్తినిచ్చేవారని తెలిపారు.
ఎక్కువ మంది చదివినవి : Ravi Babu : 12 ఏళ్లుగా నా బ్రేక్ ఫాస్ట్ ఇదే.. అందుకే ఇలా ఉన్నాను.. డైట్ సీక్రెట్ చెప్పిన రవి బాబు..
డబ్బింగ్ విషయానికొస్తే, కెరీర్ ప్రారంభంలో లక్ష్మి, దుర్గ వంటి డబ్బింగ్ ఆర్టిస్టులు తన పాత్రలకు గాత్రం అందించేవారని భానుప్రియ చెప్పారు. సరిత అమెరికా అబ్బాయి సినిమాకు డబ్బింగ్ చెప్పారని తెలిపారు. అప్పట్లో తన వాయిస్ సన్నగా ఉండడం, మాడ్యులేషన్స్, ఎమోషన్స్ సరిగా పలకకపోవడంతో డబ్బింగ్ చెప్పడానికి పిలిచేవారు కాదని అన్నారు. అయితే, అన్వేషణ చిత్రం నుండి స్వయంగా డబ్బింగ్ చెప్పడం ప్రారంభించానని వెల్లడించారు. దర్శకుడు వంశీ తన నిర్ణయానికి అంగీకరించారని, వాయిస్ టెస్ట్ అనంతరం డబ్బింగ్కు ఓకే చేశారని చెప్పారు.
ఎక్కువ మంది చదివినవి : Nayanthara : తెలుగులో ఆ హీరో చాలా స్పెషల్.. కలిసి నటించడం చాలా ఇష్టం.. నయనతార..
ఛత్రపతి చిత్రం సమయంలో, ఆ తర్వాత ఒకటి రెండు సంవత్సరాలు తాను చాలా బరువు పెరిగినట్లు భానుప్రియ తెలిపారు. దీనికి ప్రధాన కారణం తన కుమార్తె అని, ఆమె తన ప్రపంచమని అన్నారు. కుమార్తెను చూసుకోవడం, ఆమెకు ఆహారం తినిపించడం వంటి పనుల వల్ల తన గురించి తాను పట్టించుకోలేదని, వ్యాయామం చేయలేదని తెలిపారు. ఆ దశలో తాను చాలా రిలాక్స్గా ఉన్నానని, మాతృత్వం తనకు ఉత్తమమైన అనుభూతిని ఇచ్చిందని చెప్పారు. బరువు పెరగడం వల్ల చాలా అవకాశాలను కూడా వదులుకున్నానని ఆమె అన్నారు. ప్రస్తుతం తన కుమార్తె తనను సినిమాల్లో నటించమని ప్రోత్సహిస్తుందని, చెన్నైలో షూటింగ్ అయితే ఇంటికి తిరిగి రావడం సులభమని కూడా చెబుతుందని తెలిపారు. తెలుగులో మంచి పాత్రలు వస్తే తప్పకుండా చేస్తానని భానుప్రియ తెలిపారు.
ఎక్కువ మంది చదివినవి : Tollywood : ఆ సినిమా చేయడమే సావిత్రి తప్పు.. అక్కడే పతనం మొదలైంది.. సీనియర్ నటి జమున..
ఎక్కువ మంది చదివినవి : Sekhar Kammula : ఆ సినిమా తీసి తప్పు చేశాను.. అది ఒక పొరపాటు మాత్రమే.. డైరెక్టర్ శేఖర్ కమ్ముల కామెంట్స్..
