మలయాళ సినీ పరిశ్రమలో సంచలనం సృష్టించిన మరో సినిమా ఇప్పుడు ఓటీటీ ప్రేక్షకులను పలకరించేందుకు సిద్ధమైంది. ప్రేమమ్ ఫేమ్ నివిన్ పౌలీ, ప్రేమలు హీరోయిన్ మమిత బైజు ప్రధాన పాత్రల్లో నటించిన బెత్లెహెమ్ కుటుంబ యూనిట్ థియేటర్లలో భారీ విజయాన్ని అందుకున్న విషయం తెలిసిందే. కుటుంబ కథాంశానికి కామెడీ, ఎమోషన్స్ను జోడించి తెరకెక్కించిన ఈ చిత్రం మాలీవుడ్ బాక్సాఫీస్ వద్ద అదిరిపోయే వసూళ్లను నమోదు చేసింది.
బెత్లెహెమ్ కుటుంబ యూనిట్ కు గిరీష్ ఎ.డి దర్శకత్వం వహించారు. తక్కువ బడ్జెట్తో తెరకెక్కిన ఈ మూవీ బాక్సాఫీస్ వద్ద ఊహించని స్థాయిలో సక్సెస్ సాధించింది. సుమారు రూ.30 కోట్ల బడ్జెట్తో రూపొందిన ఈ సినిమా ప్రపంచవ్యాప్తంగా రూ.325 కోట్లకు పైగా గ్రాస్ వసూళ్లు సాధించినట్లు ట్రేడ్ వర్గాల్లో ప్రచారం జరిగింది. మలయాళ ప్రేక్షకుల నుంచి వచ్చిన అద్భుతమైన స్పందనతో సినిమా కలెక్షన్లు రోజురోజుకూ పెరిగాయి. దీంతో ఈ చిత్రం మాలీవుడ్లో అత్యధిక వసూళ్లు సాధించిన సినిమాల జాబితాలో చోటు సంపాదించడంతో పాటు, ఇండస్ట్రీ హిట్గా నిలిచింది.
మలయాళంలో ఆగస్టు 21న ప్రేక్షకుల ముందుకు వచ్చిన ఈ చిత్రాన్ని తెలుగులో మైత్రీ మూవీ మేకర్స్ డిస్ట్రిబ్యూషన్ సంస్థ సెప్టెంబర్ 4న విడుదల చేసింది. మలయాళంలో ఇప్పటికే మంచి క్రేజ్ తెచ్చుకున్న ఈ సినిమా తెలుగు ప్రేక్షకుల్లోనూ ఆసక్తిని కలిగించింది. నివిన్ పౌలీకి ఉన్న ఫాలోయింగ్, ప్రేమలు సినిమాతో మమిత బైజుకు వచ్చిన క్రేజ్ కూడా ఈ మూవీపై అంచనాలను పెంచాయి. థియేట్రికల్ రన్ పూర్తి చేసుకున్న బెత్లెహెమ్ కుటుంబ యూనిట్ ఇప్పుడు డిజిటల్ స్ట్రీమింగ్కు సిద్ధమైంది.
ఈ సినిమా ఓటీటీ హక్కులను జియో హాట్స్టార్ సొంతం చేసుకుంది. అక్టోబర్ 2 నుంచి జియో హాట్స్టార్లో ఈ సినిమా స్ట్రీమింగ్ కానుంది. మలయాళంతో పాటు తెలుగు, తమిళ, కన్నడ, హిందీ భాషల్లోనూ అందుబాటులోకి రానుంది. దీంతో థియేటర్లలో సినిమా మిస్ అయిన ప్రేక్షకులు ఇంటి నుంచే తమకు నచ్చిన భాషలో ఈ మూవీని చూడొచ్చు. థియేటర్లలో భారీ వసూళ్లు సాధించిన ‘బెత్లెహెమ్ కుడుంబ యూనిట్’ ఓటీటీలో ఎలాంటి స్పందన అందుకుంటుందన్నది ఇప్పుడు ఆసక్తికరంగా మారింది.
ముఖ్యంగా ఐదు భాషల్లో స్ట్రీమింగ్ కానుండటంతో మరింత విస్తృతమైన ప్రేక్షకులను ఈ సినిమా చేరుకునే అవకాశం ఉంది. థియేటర్లలో ఈ మూవీని చూడలేకపోయిన వారికి అక్టోబర్ 2 నుంచి ఓటీటీలో అందుబాటులోకి రావడం మరోసారి ఈ సినిమాపై ఆసక్తిని పెంచుతోంది. ఇప్పటికే ఈ సినిమా పై తెలుగు ఆడియన్స్ లోనూ మంచి బజ్ క్రియేట్ అయ్యింది. మరి బాక్సాఫీస్ వద్ద సెన్సేషన్ క్రియేట్ చేసిన ఈ ఫ్యామిలీ ఎంటర్టైనర్ డిజిటల్ ప్లాట్ఫామ్పై ఎలాంటి రిజల్ట్ అందుకుంటుందో చూడాలి.