Vaibhav Sooryavanshi: చెన్నైలోని ఎంఏ చిదంబరం స్టేడియం వేదికగా ప్రారంభమైన ప్రతిష్టాత్మక దులీప్ ట్రోఫీ 2026 ఫైనల్ మ్యాచ్లో ఈస్ట్ జోన్ సంచలన ఆరంభాన్ని సాధించింది. 15 ఏళ్ల యంగ్ బ్యాటింగ్ సెన్సేషన్ వైభవ్ సూర్యవంశీ తనదైన శైలిలో సిరాజ్ వంటి స్టార్ బౌలర్లపై విరుచుకుపడుతూ 37 బంతుల్లోనే 44 పరుగులు చేసి రచ్చ లేపాడు. దక్షిణ భారత్కు చెందిన సౌత్ జోన్, తూర్పు భారత్కు చెందిన ఈస్ట్ జోన్ మధ్య ప్రారంభమైన ఈ ఫైనల్ పోరులో ఈస్ట్ జోన్ కెప్టెన్ ఈషాన్ కిషన్ టాస్ గెలిచి బ్యాటింగ్ ఎంచుకున్నాడు. నిర్ణయానికి తగినట్లే ఓపెనర్లు అభిమన్యు ఈశ్వరన్, వైభవ్ సూర్యవంశీ ఇద్దరూ మైదానంలో అడుగుపెట్టినప్పటి నుంచి సౌత్ జోన్ బౌలర్లపై ఒత్తిడి పెంచారు. ఆరంభం నుంచే బాదుడే లక్ష్యంగా ఆడుతూ మొదటి వికెట్కు ఏకంగా 100 ప్లస్ భాగస్వామ్యాన్ని నమోదు చేసి జట్టుకు స్ట్రాంగ్ పునాది వేశారు.
సిరాజ్ బౌలింగ్ను టార్గెట్ చేసిన 15 ఏళ్ల వైభవ్
ఈ ఇన్నింగ్స్లో అందరి దృష్టిని ఆకర్షించింది 15 ఏళ్ల వైభవ్ సూర్యవంశీ బ్యాటింగ్ శైలి. భారత స్టార్ పేసర్ మహమ్మద్ సిరాజ్ వేసిన ఒకే ఓవర్లో ఏకంగా 14 పరుగులు పిండుకున్న వైభవ్, అందులో ఒక భారీ సిక్సర్, రెండు ఫోర్లు బాది అందరినీ ఆశ్చర్యపరిచాడు. కేవలం 37 బంతుల్లో 5 ఫోర్లు, 1 సిక్సర్తో 44 పరుగులు చేసిన వైభవ్ టీ20 మోడ్లో పరుగులు సాధించాడు. అయితే దురదృష్టవశాత్తు అర్ధశతకానికి ఆరు పరుగుల దూరంలో నిలిచిపెవిలియన్ బాట పట్టాల్సి వచ్చింది.
4️⃣,6️⃣,4️⃣
Vaibhav Sooryavanshi on the charge with some delightful shots 🔥
The 50-run stand also comes up between Vaibhav and Abhimanyu Easwaran 🙌
Scorecard ▶️ https://t.co/KQf5Km69nk#DuleepTrophy | #SZvEZ pic.twitter.com/0XLR4LI50R
— BCCI Domestic (@BCCIdomestic) September 6, 2026
వికెట్ తీసిన మిళింద్
ఎంతో ప్రమాదకరంగా మారుతున్న ఈ జోడీని హైదరాబాద్ పేసర్ తెలంగాణ డీజీపీ సీవీ ఆనంద్ కుమారుడు మిళింద్ విడదీశాడు. మిళింద్ వేసిన 15వ ఓవర్లో ఒక అద్భుతమైన బంతికి వైభవ్ సూర్యవంశీ క్యాచ్ ఇచ్చి అవుటయ్యాడు. ఈ క్యాచ్ను మైదానంలో సబ్స్టిట్యూట్ ఫీల్డర్గా వచ్చిన తనయ్ త్యాగరాజన్ మైండ్ బ్లాకింగ్ రీతిలో అందుకోవడంతో వైభవ్ తుఫాన్ ఇన్నింగ్స్కు తెరపడింది.
Vaibhav Sooryavanshi got out💔
-44(37)
-An impactful inning comes to and end👀
-1st wicket for South Zone and 1st for CV Milind🔥 pic.twitter.com/otpHSKwvgI— Abhishek (@unfav_abhishek3) September 6, 2026
కష్టాల్లో పడ్డ సౌత్ జోన్ బౌలర్లు
మరోవైపు స్టార్ బౌలర్ మహమ్మద్ సిరాజ్ తన మొదటి స్పెల్లో ఏమాత్రం ప్రభావం చూపలేకపోయాడు. 5 ఓవర్లలో ఏకంగా 8.20 ఎకానమీతో 41 పరుగులు సమర్పించుకున్నాడు. స్పిన్నర్ త్రిపురాణ విజయ్ కూడా మొదటి 3 ఓవర్లలోనే 27 పరుగులు ఇచ్చాడు. వైభవ్ అవుట్ అయినా మరొక ఓపెనర్ అభిమన్యు ఈశ్వరన్ నిలకడగా ఆడుతూ హాఫ్ సెంచరీ పూర్తి చేసుకోగా, ఈస్ట్ జోన్ భారీ స్కోరు దిశగా దూసుకెళ్తోంది.
మరిన్ని క్రికెట్ వార్తల కోసం ఇక్కడ క్లిక్ చేయండి