సీనియర్ హీరోయిన్లకు స్పెషల్ సాంగ్స్ ఇప్పుడు వరంగా మారాయి. సినిమా ఆఫర్లు తగ్గినప్పుడు కూడా తమ ఉనికిని చాటుకోవడానికి, ప్రేక్షకుల దృష్టిని ఆకర్షించడానికి ఇవి దోహదపడుతున్నాయి. ఒకప్పుడు స్టార్ హీరోయిన్లుగా వెలుగొందిన పలువురు నటీమణులు, కెరీర్ కాస్త మందగించినప్పుడు తమ గ్లామర్ డోస్ పెంచి స్పెషల్ సాంగ్స్ వైపు అడుగులేస్తున్నారు. తమన్నా భాటియా కెరీర్లో హీరోయిన్గా అవకాశాలు తగ్గినప్పుడు, ఆమె బ్యాక్-టు-బ్యాక్ స్పెషల్ నంబర్లతో తన ప్రస్థానాన్ని కొనసాగిస్తున్నారు. ఏడాదికి కనీసం మూడు నాలుగు స్పెషల్ సాంగ్స్తో ఆమె ప్రేక్షకులను అలరిస్తున్నారు. ఇదే దారిలో శృతిహాసన్ కూడా నడుస్తున్నారు. నాని హాయ్ నాన్నలో, పెద్ది సినిమాలో హెల్లెల్లో అంటూ తన మార్క్ డ్యాన్స్తో మెప్పించారు. క్యాథరిన్ త్రెసా సిగ్మా సినిమాలో సులోచన అంటూ స్పెషల్ సాంగ్లో మెరిసి, మళ్లీ లైమ్లైట్లోకి వచ్చారు. ఇటీవల కీర్తి సురేష్ కూడా ది ప్యారడైజ్లో ఏసు నాగుల సాంగ్తో థియేటర్లలో ప్రేక్షకులతో చిందేయించారు. కేవలం సీనియర్స్ మాత్రమే కాదు, శ్రీలీల వంటి యువ తారలు కూడా అప్పుడప్పుడు స్పెషల్ సాంగ్స్తో తమ సత్తా చాటుకుంటున్నారు. ప్రధాన పాత్రల్లో నటిస్తూనే, ఈ ప్రత్యేక పాటలతో ప్రేక్షకులకు కిక్ ఇస్తున్నారు. ఈ ట్రెండ్ నటీమణులకు కెరీర్ పరంగా కొత్త అవకాశాలను సృష్టిస్తోంది.
మరిన్ని వీడియోల కోసం :
గేమ్ షురూ.. అనిరుధ్కు కరెక్ట్ పోటీ అతడేనా..?
నాని ప్యారడైజ్ మూవీపై కేటీఆర్ కామెంట్స్..శంకరన్న పాత్ర గురించి ఏం చెప్పారంటే?
ఓటీటీ ప్రియులకు అదిరిపోయే న్యూస్.. ఈ వారం రిలీజ్ అయ్యే సూపర్ మూవీస్ ఇవే
చిరంజీవి మామూలోడు కాదు.. అన్నీ గుర్తు పెట్టుకుంటున్నారు..!