భారత మార్కెట్లో ట్రెండ్ సృష్టిస్తున్న మహీంద్రా స్కార్పియో ఎన్ ఫేస్లిఫ్ట్ వెర్షన్ లాంచ్కు సర్వం సిద్ధమైంది. అద్భుతమైన డిజైన్ అప్డేట్లు, పనోరమిక్ సన్రూఫ్, డ్యూయల్ స్క్రీన్ సెటప్తో రూపుదిద్దుకున్న ఈ శక్తివంతమైన ఎస్యూవీ ధరలతో సహా అన్ని కీలక విశేషాలను తెలుసుకుందాం.
ఫేస్లిఫ్ట్ వెర్షన్..
ప్రముఖ ఆటోమొబైల్ సంస్థ మహీంద్రా తన అత్యంత ప్రజాదరణ పొందిన ఎస్యూవీ స్కార్పియో ఎన్కు త్వరలో ఫేస్లిఫ్ట్ వెర్షన్ను పరిచయం చేయడానికి సన్నాహాలు చేస్తోంది. కొత్త మోడల్కు సంబంధించిన పలు కీలక వివరాలు ఇప్పటికే బయటకు వచ్చాయి.
ఈ లేటెస్ట్ వెర్షన్లో భారీ బాహ్య మార్పులు లేకపోయినా, కొన్ని అత్యాధునిక ఫీచర్లు, అప్డేటెడ్ ఇంటీరియర్తో మరింత ఆకట్టుకునేలా దీన్ని రూపొందించారు. రాబోయే నెలలో ఈ ఫేస్లిఫ్ట్ వెర్షన్ను కంపెనీ అధికారికంగా విడుదల చేయనుంది. మార్కెట్లో విపరీతమైన క్రేజ్ ఉన్న ఈ వాహనం నుంచి వినియోగదారులు ఎంతో ఆసక్తిగా ఎదురుచూస్తున్న అంశాలు ఎన్నో ఉన్నాయి.
బయటి డిజైన్ పరంగా చూస్తే స్కార్పియో ఎన్లో పెద్దగా మార్పులు కనిపించడం లేదు. అయితే కొత్త డిజైన్లో ఆకర్షణీయమైన అల్లాయ్ వీల్స్ను అందించనున్నట్లు స్పై షాట్స్ వెల్లడిస్తున్నాయి. ఇవి ప్రస్తుతం ఉన్న మోడల్తో పోలిస్తే మరింత స్టైలిష్గా కనిపిస్తున్నాయి. హెడ్ల్యాంప్స్లో స్వల్ప మార్పులు ఉండొచ్చని తెలుస్తోంది.
ఫ్రంట్ గ్రిల్, బంపర్, ఫాగ్ ల్యాంప్స్ లాంటి అంశాలు దాదాపు అలాగే కొనసాగనున్నట్లు సమాచారం. వెనుక భాగంలో కూడా ఎలాంటి ప్రధాన మార్పులు చేయలేదు. ప్రస్తుత మోడల్లో ఉన్నట్లే ఎల్ఈడీ టెయిల్ లైట్లు, బంపర్, క్రోమ్ ఫినిషింగ్, సిల్వర్ రూఫ్ రైల్స్, బ్లాక్ క్లాడింగ్ లాంటి డిజైన్ ఎలిమెంట్స్ కొనసాగనున్నాయి.
ఆకట్టుకునే ఇంటీరియర్స్
ఈ కొత్త మోడల్కు సంబంధించి అసలైన మార్పులు క్యాబిన్లోనే స్పష్టంగా కనిపిస్తున్నాయి. ఇందులో థార్ రాక్స్ మాదిరిగా రెండు 10.25 అంగుళాల స్క్రీన్లను వచ్చే అవకాశం ఉంది. ఒకటి ఇన్ఫోటైన్మెంట్ కోసం, మరొకటి పూర్తిగా డిజిటల్ డ్రైవర్ డిస్ప్లేగా పనిచేయనుంది. అలాగే సెంటర్ ఏసీ వెంట్స్ను కొత్తగా అమర్చడంతో పాటు సెంటర్ కన్సోల్లోని స్విచ్లకు కూడా కొత్త డిజైన్ ఇచ్చినట్లు తెలుస్తోంది.
బ్రౌన్ బ్లాక్ డ్యూయల్ టోన్ ఇంటీరియర్ థీమ్ మాత్రం యథాతథంగా కొనసాగనుంది. ఫీచర్ల పరంగా కూడా స్కార్పియో ఎన్ మరింత అప్డేట్ కానుంది. ఇందులో పనోరమిక్ సన్రూఫ్ను జోడించే అవకాశం ఉంది. అలాగే వైర్లెస్ ఫోన్ ఛార్జింగ్, డ్యూయల్ జోన్ క్లైమేట్ కంట్రోల్, 12 స్పీకర్ సోనీ ఆడియో సిస్టమ్, పవర్డ్ డ్రైవర్ సీట్, వెంటిలేటెడ్ ఫ్రంట్ సీట్లు వంటి ఫీచర్లు ఉండనున్నాయి.
టెక్నాలజీ ఫీచర్లు
ఇంజిన్ పరంగా ఎలాంటి మార్పులు ఉండే అవకాశం లేదు. ప్రస్తుతం ఉన్న 2.0 లీటర్ టర్బో పెట్రోల్ ఇంజిన్, 2.2 లీటర్ డీజిల్ ఇంజిన్ ఆప్షన్లనే మహీంద్రా కొనసాగించనుంది. పెట్రోల్ ఇంజిన్ 203 హెచ్పీ పవర్ను ఉత్పత్తి చేస్తుండగా, డీజిల్ ఇంజిన్ వేరియంట్ను బట్టి 132 హెచ్పీ నుంచి 175 హెచ్పీ వరకు శక్తిని అందిస్తుంది. ఈ రెండు ఇంజిన్లకు 6-స్పీడ్ మాన్యువల్, 6-స్పీడ్ ఆటోమేటిక్ గేర్బాక్స్ ఎంపికలు అందుబాటులో ఉండనున్నాయి.
డీజిల్ టాప్ వేరియంట్లో ఫోర్ బై ఫోర్ ఆప్షన్ కూడా కొనసాగనుంది. కొత్త ఫీచర్లు, ఇంటీరియర్ అప్డేట్స్ కారణంగా స్కార్పియో ఎన్ ఫేస్లిఫ్ట్ ధరలు స్వల్పంగా పెరిగే అవకాశం ఉంది. ప్రస్తుతం ఈ ఎస్యూవీ ఎక్స్ షోరూమ్ ధర రూ. 13.49 లక్షల నుంచి రూ. 24.95 లక్షల వరకు ఉంది. విడుదల తర్వాత ఈ మోడల్ మహీంద్రా ఎక్స్యూవీ700, హ్యుందాయ్ అల్కాజర్, టాటా సఫారి, ఎంజీ హెక్టర్ లాంటి ఎస్యూవీలకు గట్టి పోటీ ఇవ్వనుంది.
