IPL Powerplay Records: హైదరాబాద్లోని ఉప్పల్ మైదానంలో రాజస్థాన్ రాయల్స్తో జరిగిన కీలక పోరులో ప్రఫుల్ హింజ్ నిప్పులు చెరిగే బంతులతో విరుచుకుపడ్డాడు. కేవలం రెండు ఓవర్లలోనే నాలుగు వికెట్లు పడగొట్టి ప్రత్యర్థి జట్టును కోలుకోలేని దెబ్బ తీశాడు. 18 పరుగులు మాత్రమే ఇచ్చి 4 వికెట్లు పడగొట్టిన ఇతని ప్రదర్శన ఐపీఎల్ చరిత్రలోనే ఒక అద్భుత ఘట్టంగా నిలిచిపోయింది.
చరిత్రలో అత్యుత్తమ గణాంకాలు..
ఐపీఎల్ ఇన్నింగ్స్ మొదటి ఆరు ఓవర్లలో అత్యుత్తమ ప్రదర్శన చేసిన బౌలర్ల జాబితాను పరిశీలిస్తే, 2011లో ఇషాంత్ శర్మ కొచ్చిపై నమోదు చేసిన 12 పరుగులకు 5 వికెట్లు అగ్రస్థానంలో నిలిచాడు. ఆ తర్వాత మహమ్మద్ షమీ (2023), ధవల్ కుల్కర్ణి (2016), అజిత్ చండీలా (2012) వంటి వారు నాలుగు వికెట్లు పడగొట్టి సత్తా చాటారు. ఇప్పుడు వీరి సరసన ప్రఫుల్ హింజ్ (4/18) చేరడం విశేషం. షోయబ్ అక్తర్, దీపక్ చాహర్ వంటి ప్రపంచ స్థాయి బౌలర్ల రికార్డులతో ప్రఫుల్ పోటీ పడటం గమనార్హం.
పవర్ప్లే రికార్డుల జాబితా:
ఐపీఎల్ చరిత్రలో మొదటి ఆరు ఓవర్లలో అత్యుత్తమ ప్రదర్శనలు ఇవే:
ఇషాంత్ శర్మ: 5/12 (2011)
మహమ్మద్ షమీ: 4/7 (2023)
ధవల్ కుల్కర్ణి: 4/8 (2016)
ప్రఫుల్ హింజ్: 4/18 (2026)
ఆరంభం నుంచే ఒత్తిడి..
🚨History created by Praful hinge .
Ladies and Gentlemen praful hinge became the first bowler to take 3 wickets in debut over in IPL history.
Took 4 wickets in 2 overs.
Rajasthan is five down now ❣️💯
SRH bought praful hinge for 30 lakhs.#SRHvsRR #RRvsSRH #PrafulHinge pic.twitter.com/JzZIUcr4qU— Harsh_Rajput (@HarshRa26520588) April 13, 2026
సాధారణంగా పవర్ప్లేలో బ్యాటర్లు భారీ షాట్లు ఆడేందుకు ప్రయత్నిస్తారు. కానీ ప్రఫుల్ హింజ్ బంతిని నియంత్రించిన తీరు, అతని లైన్, లెంగ్త్ రాజస్థాన్ బ్యాటర్లను ఉక్కిరిబిక్కిరి చేశాయి. పవర్ప్లే ముగిసే సమయానికే కీలకమైన 5 కీలక వికెట్లు కోల్పోయిన రాజస్థాన్, మ్యాచ్పై పట్టు కోల్పోయింది. సన్రైజర్స్ యాజమాన్యం పెట్టుకున్న నమ్మకాన్ని ఈ యువ బౌలర్ వంద శాతం నిలబెట్టుకున్నాడు.
ప్రఫుల్ హింజ్ ప్రదర్శన భారత దేశవాళీ క్రికెట్ సత్తాను మరోసారి ప్రపంచానికి చాటిచెప్పింది. స్టార్ బౌలర్లు ఉన్నా, ఒక యువ కుర్రాడు వచ్చి అంతర్జాతీయ స్థాయి ఆటగాళ్లను ముప్పుతిప్పలు పెట్టడం ఐపీఎల్ గొప్పతనానికి నిదర్శనం. ఈ రికార్డు ప్రఫుల్ భవిష్యత్తుకు పెద్ద మలుపు కానుంది.
మరిన్ని క్రీడా వార్తల కోసం ఇక్కడ క్లిక్ చేయండి..
