మాంసాహారుల ఇళ్లలో చికెన్ వాడకం చాలా ఎక్కువ. వారానికి సరిపడా చికెన్ను ఒకేసారి తెచ్చి ఫ్రిజ్లో నిల్వ ఉంచుకోవడం చాలామందికి అలవాటు. అయితే పచ్చి చికెన్ను సరిగ్గా నిల్వ చేయకపోతే అది త్వరగా బ్యాక్టీరియా బారిన పడి దుర్వాసన రావడం, పాడైపోవడం జరుగుతుంది. చికెన్ రుచి, పోషకాలు తగ్గకుండా ఎక్కువ రోజులు తాజాగా ఉండాలంటే ఎలాంటి జాగ్రత్తలు తీసుకోవాలో ఇప్పుడు చూద్దాం.
పచ్చి చికెన్ను ఎక్కువ రోజులు తాజాగా, సురక్షితంగా నిల్వ ఉంచుకోవడానికి సరైన పద్ధతులు పాటించడం చాలా అవసరం. మార్కెట్ నుండి చికెన్ తీసుకువచ్చిన వెంటనే దానిని నీటితో బాగా కడిగి, ఆ తర్వాత పేపర్ టవల్తో తడి లేకుండా తుడవాలి. మాంసంలో తేమ ఎక్కువ ఉంటే బ్యాక్టీరియా త్వరగా చేరే అవకాశం ఉంది. చికెన్ను గాలి చొరబడని ఎయిర్టైట్ డబ్బాలలో లేదా జిప్లాక్ కవర్లలో గాలి తీసేసి నిల్వ చేయాలి. దీనివల్ల చికెన్ ఫ్రిజ్లోని ఇతర పదార్థాల వాసనను పీల్చుకోదు మరియు త్వరగా పాడవదు.
మీరు చికెన్ను 1 లేదా 2 రోజుల్లో వండాలనుకుంటే సాధారణ ఫ్రిజ్లో ఉంచవచ్చు. అయితే దీనిని ఫ్రిజ్లోని కింది అరలో ఉంచాలి. దీనివల్ల చికెన్ నీరు ఇతర ఆహార పదార్థాలపై పడకుండా ఉంటుంది. చికెన్ను వారాలు లేదా నెలల తరబడి నిల్వ చేయాలనుకుంటే తప్పనిసరిగా డిప్ ఫ్రీజర్లో నిల్వ చేయాలి. ఫ్రీజర్లో పచ్చి చికెన్ 9 నెలల వరకు సురక్షితంగా ఉంటుంది.
ఇవి కూడా చదవండి
చికెన్ ఎక్కువ రోజులు తాజాగా ఉండటానికి దానిపై కొద్దిగా పసుపు, ఉప్పు, కొద్దిగా నూనె లేదా నిమ్మరసం రాసి నిల్వ చేయవచ్చు. పసుపు సహజసిద్ధమైన యాంటీబ్యాక్టీరియల్గా పనిచేసి చికెన్ పాడవకుండా చూస్తుంది.
ఫ్రీజర్లో ఉన్న గడ్డకట్టిన చికెన్ను నేరుగా వేడి నీటిలో లేదా బయట తెరచి ఉంచకూడదు. వండటానికి కొన్ని గంటల ముందు ఫ్రీజర్ నుండి తీసి సాధారణ ఫ్రిజ్ అరలో ఉంచి కరగనివ్వాలి. పచ్చి చికెన్ను నిల్వ చేసేటప్పుడు పరిశుభ్రత, సరైన ఉష్ణోగ్రత పాటించడం వల్ల ఆహారం విషపూరితం కాకుండా నివారించవచ్చు. ఈ చిన్న చిన్న జాగ్రత్తలతో చికెన్ తాజాదనాన్ని, రుచిని ఎక్కువ కాలం కాపాడుకోవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..