ముందుగా ఒక కప్పు అటుకులను శుభ్రంగా రెండు, మూడు సార్లు కడగాలి. నీళ్లన్నీ వడకట్టి అటుకులను మాత్రమే ఒక బౌల్లో తీసుకోవాలి. మూత పెట్టి ఐదు నిమిషాల పాటు అలానే ఉంచాలి. అటుకులు మెత్తగా నానతాయి.నానిన అటుకులను ఒక మిక్సీ జార్లో వేయాలి. అదే కప్పుతో అర కప్పు బొంబాయి రవ్వ, అర కప్పు పెరుగు చేర్చి మెత్తగా, స్మూత్గా అయ్యేలా మిక్సీ పట్టాలి.
ఈ పిండి గట్టిగా ఉండాలి, పల్చగా ఉండకూడదు. మిక్సీ పట్టిన పిండిని ఒక బౌల్లోకి తీసుకొని, అందులో చిన్న ముక్కలుగా తరిగిన ఉల్లిపాయ, పచ్చిమిరపకాయలు, కరివేపాకు, కొత్తిమీర, ఒక టీస్పూన్ జీలకర్ర, రుచికి సరిపడా ఉప్పు వేసి బాగా కలపాలి. ఉల్లిపాయలు వేసిన తర్వాత పిండి కాస్త పల్చగా అవ్వచ్చు. చేతిని నీటితో తడి చేసుకుంటూ, పిండిని చిన్న చిన్న ఉండలుగా తీసుకొని, మధ్యలో రంధ్రం పెట్టి వడల ఆకారంలో తయారు చేయాలి.
ఇవి చక్కగా గుండ్రంగా వస్తాయి. క్రాక్స్ వస్తే చేతితో సరిచేయవచ్చు. ఒక ఇడ్లీ పాత్రలో ఒక గ్లాసు నీళ్లు పోసి వేడి చేయాలి. ఇడ్లీ ప్లేట్లకు కొద్దిగా నూనె రాసి (లేదా ఆకులను ఉపయోగించి) వడలను ఒక్కొక్కటిగా పేర్చాలి. పాత్రను మూత పెట్టి మీడియం మంటపై పది నిమిషాల పాటు ఉడికించాలి. పది నిమిషాల తర్వాత, వడలు ఉడికాయో లేదో తెలుసుకోవడానికి చేతితో పట్టుకుంటే అంటుకోకుండా ఉంటాయి.
ఇలా ఉడికించిన వడలు ఆరోగ్యానికి చాలా మంచివి, డీప్ ఫ్రై చేసిన వడల రుచికి ఏ మాత్రం తీసిపోకుండా ఉంటాయి.నూనెతో తినడానికి ఇష్టపడేవారు, మిగిలిన పిండితో వడలు తయారు చేసి వేడి నూనెలో డీప్ ఫ్రై చేసుకోవచ్చు. నూనె వేడి అయ్యాక ఒక్కొక్క వడను వేసి, గోల్డెన్ బ్రౌన్ రంగు వచ్చేవరకు, క్రిస్పీగా అయ్యేవరకు మీడియం మంటపై వేయించాలి.
లోపల బాగా ఉడకడానికి మీడియం మంటపై వేయించడం ముఖ్యం.ఈ అటుకుల వడలను వేడి వేడిగా టమాటా పచ్చిమిరపకాయల పచ్చడితో కలిపి ఆస్వాదించండి. ఇది ఆరోగ్యకరమైనది మాత్రమే కాకుండా, చాలా తక్కువ సమయంలో తయారు చేసుకోగలిగే రుచికరమైన వంటకం. మీ ఇంట్లో కూడా దీనిని ట్రై చేయండి.