వినాయక చవితి ఉత్సవాలు ఘనంగా జరుగుతున్నాయి. సెప్టెంబర్ 14న గణేశ్ చతుర్థి సందర్భంగా వినాయకుడి విగ్రహాన్ని ప్రతిష్టించడం జరిగింది. ఇప్పటికీ ఆరు రోజుల నుంచి ఘనంగా వినాయకుడిని భక్తిశ్రద్ధలతో పూజిస్తున్నారు. అయితే ఇక రోజులు గుడుస్తున్నాయి. దీంతో చాలా మందిలో నిమజ్జనంపై అనేక సందేహాలు నెలకొంటున్నాయి.
2026లో వినాయక చవితి సెప్టెంబర్ 14వ తేదీ సోమవారం రోజున వచ్చింది. అయితే అందరూ 11వ రోజు అయిన అనంత చతుర్దశి వరకు బప్పాను ఇంట్లో ఉంచరు. కొందరు కుటుంబ ఆచారం ప్రకారం 3వ రోజు, 5వ రోజు, 7వ రోజు నిమజ్జనం చేస్తుంటారు. అయితే ఎవరు అయితే ఏడవ రోజు నిమజ్జనం చేయాలి అనుకుంటున్నారో, వారు సెప్టెంబర్ 20, ఆదివారం 2026 రోజున చేయాలి.
అయితే ఏడవ రోజు ఏ సమయంలో చేయాలి. శుభ ముహూర్తాలు ఉన్నాయా? లేదా అని టెన్షన్ పడుతుంటారు. అయితే వారి కోసమే ఈ సమాచారం, ఏడవ రోజు ఏ ఏ సమయాల్లో వినాయకుడిని నిమజ్జనం చేయాలో ఇప్పుడు చూసేద్దాం. శుభ ముహూర్తం: ఉదయం 07:58 గంటల నుంచి మధ్యాహ్నం 12:32 గంటల వరకు (చర, లాభ, అమృత),మధ్యాహ్నం 02:03 గంటల నుంచి 03:34 గంటల వరకు . సాయంత్రం 06:37 గంటల నుంచి రాత్రి 11:03 గంటల వరకు.
ఇక 7వ రోజు ఎందుకు నిమజ్జనం చేస్తారు అనే ప్రశ్న చాలా మందిలో మొదలు అవుతుంది. అయితే కొంత మంది తమ కుటుంబ గణపతిని చతుర్దశి వరకు ఉంచరు. విగ్రహ ప్రతిష్టాపన కాలవ్యవధి కుటుంబం, ప్రాంతీయ సంప్రదాయాలను బట్టి మారుతూ ఉంటుంది. పంచాంగం ప్రకారం, 3 వరోజు, 5వ రోజు, 7వ రోజు కొన్ని ప్రాంతాలలో తొమ్మిదవ రోజు కూడా నిమజ్జనం చేస్తుంటారు. అంటే బేసీ సంఖ్యల్లో మాత్రమే నిమజ్జనం చేయవచ్చు. ఇక సాంప్రదాయకంగా అయితే, గణేష్ చతుర్థి తర్వాత 11వ రోజు వచ్చే చతుర్దశి రోజు వినాయకుడిని నిమజ్జనం చేయాలి. కానీ చాలా మంది దీనికి అంటే ముందుగానే నిమజ్జనం చేస్తుంటారు.
ఇక నిమజ్జనం చేయడానికి ముందు కూడా గణపతిని పూజించి గంగమ్మ ఒడిలోకి పంపించాలి. నిమజ్జనానికి ముందు చివరిసారిగా వినాయకుడికి హారతిని ఇచ్చి, పూలు, గరిక, ఉండ్రాళ్లు, పండ్లు నైవేద్యం సమర్పించి, తర్వాత భక్తి శ్రద్ధలతో, పర్యావరణ నిబంధనలు పాటిస్తూ, నిమజ్జనం చేయాలి అని పండితులు సూచిస్తున్నారు.