శరీరానికి బలం, శక్తి, స్టామినా అందించడానికి ప్రోటీన్ అత్యంత ముఖ్యమైన పోషకం. కండరాల నిర్మాణానికి, కణజాల మరమ్మత్తుకు, రోగనిరోధక శక్తిని పెంపొందించడానికి, జుట్టు, చర్మ సౌందర్యానికి ప్రోటీన్ అవసరం. సాధారణంగా, ప్రోటీన్ అనగానే చాలా మంది గుడ్లు, మాంసం, చికెన్ వంటి మాంసాహార పదార్థాల వైపు చూస్తారు. అయితే, శాఖాహారంలో కూడా మాంసాహారానికి ఏ మాత్రం తీసిపోని, అంతకంటే ఎక్కువ ప్రోటీన్ అందించే ఒక అద్భుతమైన ఆహారం ఉంది. అదే నల్ల నువ్వులు.
మీరు విన్నది నిజమే, డాక్టర్లు కూడా ఆశ్చర్యపోయే ప్రోటీన్ రహస్యం ఈ నువ్వులలో ఉంది. వంద గ్రాముల నువ్వులలో దాదాపు 18 గ్రాముల ప్రోటీన్ ఉంటుంది. ఇది దాదాపు మూడు కోడిగుడ్లలో ఉండే ప్రోటీన్తో సమానం. అంటే, గుడ్లతో పోలిస్తే నువ్వులలో ప్రోటీన్ ఎక్కువ. నువ్వులను మీ రోజువారీ ఆహారంలో భాగం చేసుకుంటే, మీ శరీరానికి అవసరమైన ప్రోటీన్ పుష్కలంగా లభిస్తుంది.
ప్రోటీన్ లేనిదే శరీరం సరిగ్గా పనిచేయదు. ఇది శరీర కణజాలాల పెరుగుదల, మరమ్మత్తుకు ఇది సహాయపడుతుంది. ఎంజైమ్లు, హార్మోన్ల ఉత్పత్తిలో ఇది కీలక పాత్ర పోషిస్తుంది. అంతేకాకుండా, రోగనిరోధక శక్తిని పెంచి, వ్యాధుల నుండి రక్షణ కల్పిస్తుంది. ఎముకల బలానికి, రక్త ఉత్పత్తికి, చర్మం , జుట్టు ఆరోగ్యానికి కూడా ప్రోటీన్ ఎంతో అవసరం.
నువ్వులు కేవలం అధిక ప్రోటీన్ అందించే ఆహారం మాత్రమే కాదు. ఇందులో కాల్షియం, ఐరన్, మెగ్నీషియం, ఫాస్ఫరస్, జింక్, విటమిన్ బి1 (థయామిన్), ఫైబర్, ఆరోగ్యకరమైన కొవ్వులు వంటి అనేక ఇతర ముఖ్యమైన పోషకాలు కూడా సమృద్ధిగా ఉంటాయి. ఎముకలు, దంతాలను దృఢంగా ఉంచడానికి కాల్షియం అత్యవసరం. ముఖ్యంగా వయసు పెరుగుతున్న వారికి, మహిళలకు ఎముకల ఆరోగ్యం కోసం నువ్వులు గొప్ప వరం.
నువ్వులను మన రోజువారీ ఆహారంలో సులభంగా చేర్చుకోవచ్చు. బెల్లంతో కలిపి నువ్వుల లడ్డూలు తయారు చేసుకోవచ్చు. ఇది పోషకమైన స్నాక్. ఇంకా అన్నంలోకి, టిఫిన్లలోకి నువ్వుల పచ్చడి లేదా పొడి చేర్చుకోవచ్చు. కొన్ని రకాల కూరలలో నువ్వుల పొడిని వేయడం వల్ల రుచి పెరగడమే కాకుండా, పోషక విలువలు కూడా పెరుగుతాయి. వేయించిన నువ్వులను సలాడ్లపై చల్లుకోవచ్చు.
స్మూతీలలో ఒక టీస్పూన్ నువ్వుల పొడిని కలుపుకోవచ్చు. రోజుకు ఒక చెంచా నువ్వులను ఏదో ఒక రూపంలో తీసుకోవడం వల్ల ఆరోగ్యానికి ఎంతో మేలు జరుగుతుంది.