తల్లి అయిన తర్వాత మహిళల్లో వచ్చే శారీరక, మానసిక మార్పుల గురించి బహిరంగంగా మాట్లాడాలని కియారా అభిప్రాయపడ్డారు. తనకు ఎదురైన చర్మ సంబంధిత సమస్యలు మొదట్లో కంగారు పెట్టించినా, తర్వాత వాటిని స్వీకరించడం నేర్చుకున్నానని చెప్పారు. మాతృత్వం తనకు తనపై తనకు దయ చూపడం నేర్పిందని, మునుపటి కంటే ఇప్పుడు తాను పూర్తిగా భిన్నమైన వ్యక్తిగా మారానని ఆమె వివరించారు.
బాధ్యతలే కొత్త లక్ష్యాలు
కియారా అద్వానీ ప్రకారం, ఒక తల్లిగా మారిన తర్వాత ప్రతి పనిలోనూ ఒక ఉద్దేశ్యం కనిపిస్తుంది. తన కుమార్తెకు ఒక ఉదాహరణగా నిలవాలనే తపన తనలో పెరిగిందని ఆమె చెప్పారు. “నేను ఏదైనా పని చేస్తే నా కూతురు ఏమనుకుంటుంది?” అనే ఆలోచన ఇప్పుడు ఆమె ప్రతి నిర్ణయం వెనుక ఉంటుంది. ఒక గృహిణి లేదా తల్లి చేసే పనిని ఎవరూ ఊహించలేరని, కెరీర్లో ఎంత కష్టపడినా మాతృత్వంలో ఉండే బాధ్యతలు అంతకంటే రెట్టింపు ఉంటాయని ఆమె ఒప్పుకున్నారు.
తల్లి అయిన తర్వాత ప్రపంచాన్ని చూసే కోణం మారుతుందని కియారా తెలిపారు. కేవలం నటిగానే కాకుండా ఇతర రంగాల్లో కూడా తన ముద్ర వేయాలని, జీవితం గురించి లోతుగా ఆలోచించేలా ఈ దశ తనను ప్రేరేపించిందని చెప్పారు. 34 ఏళ్ల వయసులో మాతృత్వం తనకు పరిమితులు పెట్టుకోవడం, భయాన్ని వదిలేయడం మరియు తన గురించి తాను విమర్శించుకోవడం మానేయడం నేర్పిందని ఆమె ఎమోషనల్ అయ్యారు.
వృత్తి ధర్మం..
ఆసక్తికరమైన విషయం ఏమంటే, కియారా గర్భవతిగా ఉన్న సమయంలోనే ఏడు నెలల పాటు ‘టాక్సిక్’ సినిమా కోసం పనిచేశారు. అందులో కొన్ని క్లిష్టమైన యాక్షన్ సీక్వెన్సులలో కూడా పాల్గొన్నారు. బిడ్డ పుట్టిన కేవలం ఐదు నెలలకే మళ్లీ సెట్స్లోకి అడుగుపెట్టారు. ఒక పక్క ఇంటి బాధ్యతలు చూసుకుంటూనే, మరో పక్క కెరీర్ను బ్యాలెన్స్ చేయడం నిజంగా అభినందనీయం.
