హిందూ సంప్రదాయంలో కార్తీక మాసానికి ఎంతో విశిష్టమైన స్థానం ఉంది. ఈ మాసాన్ని అత్యంత పవిత్రమైన మాసంగా భావిస్తారు. ముఖ్యంగా కార్తీక మాసంలో శివకేశవులను భక్తిశ్రద్ధలతో ఆరాధించడం, నదీస్నానాలు ఆచరించడం, దీపారాధన చేయడం ఎంతో పుణ్యప్రదమని పురాణాలు చెబుతున్నాయి. ఈ మాసంలో ప్రతిరోజూ ఉదయం, సాయంత్రం ఇంట్లో దీపం వెలిగించి పూజలు చేయడం అనాదిగా వస్తున్న ఆచారం. ముఖ్యంగా కార్తీక మాసం మొత్తం నిత్యం దీపారాధన చేయడం వల్ల ఎన్నో ఆధ్యాత్మిక ప్రయోజనాలు కలుగుతాయని భక్తులు విశ్వసిస్తారు. మరి ఈ మాసంలో ప్రతిరోజూ దీపం వెలిగించడం వెనుక ఉన్న ఆధ్యాత్మిక విశేషాలు ఏమిటో తెలుసుకుందాం.