ఇల్లు కడుతున్నారా? పిల్లర్ సైజు ఎంత ఉండాలో తెలుసుకోండి.. ఈ పొరపాట్లు అస్సలు చేయకండి!

సొంతిల్లు నిర్మించుకునేటప్పుడు భవనం దృఢత్వానికి పిల్లర్లు అత్యంత కీలకమైనవి. చాలామంది ఇంటి నిర్మాణంలో పిల్లర్ల పరిమాణం, వాడే ఇనుప కడ్డీల గురించి సరైన అవగాహన లేక పొరపాట్లు చేస్తుంటారు. నిర్మాణంలో నాణ్యమైన కంక్రీట్ మిశ్రమాన్ని వాడటం, రెండు పిల్లర్ల మధ్య సరైన దూరం పాటించడం భవనానికి దీర్ఘకాలిక మన్నికను, భూకంపాలను తట్టుకునే శక్తిని అందిస్తుందని నిపుణులు సూచిస్తున్నారు. మరిన్ని వివరాల్లోకి వెళితే..

ఒకే అంతస్తు ఇల్లు:

మీరు కేవలం గ్రౌండ్ ఫ్లోర్ ఒకే అంతస్తు మాత్రమే నిర్మించాలని ప్లాన్ చేస్తుంటే:

పిల్లర్ సైజు: కనీసం 9 x 9 అంగుళాలు (225mm x 225mm) ఉండాలి.

ఇనుప కడ్డీలు : పిల్లర్‌లో కనీసం 12mm మందం కలిగిన 4 ప్రధాన ఇనుప కడ్డీలను ఉపయోగించాలి.

రింగులు: 8mm కడ్డీలతో చేసిన రింగులను 6 అంగుళాల (150mm) దూరంతో అమర్చాలి.

రెండు అంతస్తుల ఇల్లు :

గ్రౌండ్ ఫ్లోర్‌తో పాటు పైన మరొక అంతస్తు (జి+1) నిర్మించాలనుకుంటే భారం పెరుగుతుంది. కాబట్టి, పిల్లర్ సైజు: కనీసం 9 x 12 అంగుళాలు (225mm x 300mm) ఉండాలి.

ఇనుప కడ్డీలు: కనీసం 12mm మందం కలిగిన 6 ప్రధాన కడ్డీలను ఉపయోగించడం సురక్షితం.

పిల్లర్ల మధ్య దూరం:

రెండు పిల్లర్ల మధ్య దూరం చాలా కీలకం. సాధారణంగా రెండు పిల్లర్ల మధ్య గరిష్టంగా 4 నుండి 5 మీటర్లు (సుమారు 13 నుండి 16 అడుగులు) దూరం ఉండవచ్చు. పిల్లర్ల మధ్య దూరం పెరిగితే, పిల్లర్ సైజు, ఉపయోగించే ఇనుము పరిమాణాన్ని కూడా పెంచాల్సి ఉంటుంది.

ముఖ్యమైన జాగ్రత్తలు:

కన్సల్టింగ్ ఇంజనీర్ సలహా: స్థలం మట్టి స్వభావం బట్టి పిల్లర్ల లోతు, సైజు మారుతాయి. కాబట్టి, నిర్మాణానికి ముందు క్వాలిఫైడ్ సివిల్ ఇంజనీర్ లేదా స్ట్రక్చరల్ ఇంజనీర్ ప్లాన్ తీసుకోవడం తప్పనిసరి.

కాస్ట్, క్యూరింగ్: పిల్లర్ నింపేటప్పుడు M20 గ్రేడ్ (1:1.5:3 శాతంలో సిమెంట్, ఇసుక, కంక్రీట్) కాంక్రీట్ వాడాలి. నిర్మాణం పూర్తయిన తర్వాత కనీసం 7 నుండి 10 రోజుల పాటు తగినంత నీటితో క్యూరింగ్ (తడిపడం) చేయాలి.

సరైన సైజు, నాణ్యమైన నిర్మాణ పద్ధతులు పాటించడం వల్ల మీ ఇల్లు తరతరాల పాటు సురక్షితంగా ఉంటుంది.

మరిన్ని లైఫ్ స్టైల్ న్యూస్ కోసం క్లిక్ చేయండి.