చేతికి పెట్టుకున్నప్పుడు సాధారణ గడియారంలా కాకుండా ఆభరణంలా కనిపించే స్మార్ట్వాచ్ కావాలనుకునే వారికి ఇది ఆసక్తికరమైన ఎంపిక. ఆకర్షణీయమైన రూపంతో పాటు ఆరోగ్యాన్ని గమనించే సదుపాయాలు, కాల్స్ మాట్లాడే అవకాశం, సందేశాల సమాచారం వంటి ఉపయోగకరమైన అంశాలు ఇందులో ఉన్నాయి. ధరకు తగ్గట్టు ఫీచర్లు కూడా ఆకట్టుకునేలా ఉన్నాయి.
ఆభరణాన్ని తలపించే రూపం..
ఈ వాచ్లో మొదట ఆకట్టుకునేది దాని రూపకల్పనే. సాధారణంగా కనిపించే చతురస్రం లేదా గుండ్రని ఆకారానికి భిన్నంగా, ఆభరణాన్ని తలపించే విధంగా దీనిని రూపొందించారు. చేతికి పెట్టుకున్నప్పుడు ఖరీదైన గడియారం లేదా బ్రాస్లెట్లా కనిపించడం దీని ప్రత్యేకత. తెర విషయానికి వస్తే AMOLED డిస్ప్లేను అందించారు. ఎండలో కూడా వివరాలు స్పష్టంగా కనిపించేలా ఇది ఉపయోగపడుతుంది. Always-on Display సదుపాయం ఉండటంతో తెరను పూర్తిగా ఆన్ చేయకుండానే సమయం, ఇతర సమాచారాన్ని చూడొచ్చు.
ఆరోగ్యంపై ప్రత్యేక శ్రద్ధ
ఆరోగ్య పర్యవేక్షణలో భాగంగా Period Tracker సదుపాయం ఉంది. మహిళల రుతుచక్రాన్ని గమనించి ముందస్తు సమాచారం అందించేందుకు ఇది ఉపయోగపడుతుంది. Heart Rate, SpO2, నిద్రకు సంబంధించిన వివరాలను కూడా గమనించవచ్చు. ఒత్తిడిని తగ్గించేందుకు శ్వాస వ్యాయామాల సదుపాయం కూడా ఉంది. Bluetooth Calling ద్వారా ఫోన్ చేతిలో లేకున్నా వాచ్తోనే కాల్స్ మాట్లాడొచ్చు. ఇందులోని మైక్రోఫోన్, స్పీకర్ ద్వారా సంభాషణలు నిర్వహించవచ్చు. WhatsApp, Instagram, సందేశాలు తదితర యాప్ల సమాచారాన్ని నేరుగా తెరపై చూడొచ్చు. Voice Assistant సదుపాయం కూడా ఉంది.
బ్యాటరీ విషయంలో సాధారణ వినియోగానికి సరిపడే సామర్థ్యం అందించినట్లు సంస్థ చెబుతోంది. వేగంగా ఛార్జ్ చేసుకునే సదుపాయం ఉంది. Water Resistance ఉండటంతో వర్షం, వ్యాయామ సమయంలో చెమట వంటి వాటిని తట్టుకునేలా రూపొందించారు. రూ.7,999 ధరలో ఫ్యాషన్తో పాటు ఆరోగ్య పర్యవేక్షణ, రోజువారీ అవసరాలకు ఉపయోగపడే సదుపాయాలు కోరుకునే మహిళలకు ఇది ఆకర్షణీయమైన ఎంపికగా కనిపిస్తోంది.