స్వదేశానికి వేల కిలోమీటర్ల దూరంలో, మంచు గడ్డకట్టుకుపోయే అత్యంత శీతల ఖండమైన అంటార్కిటికాలో భారత శాస్త్రవేత్తలు వినాయక చవితి పండుగను ఎంతో భక్తిశ్రద్ధలతో, వినూత్నంగా జరుపుకున్నారు. అక్కడి భారత పరిశోధన కేంద్రమైన ‘మైత్రి’లో సేవలందిస్తున్న శాస్త్రవేత్తల బృందం, మంచుతోనే స్వయంగా గణనాథుడి విగ్రహాన్ని రూపొందించి ప్రత్యేక పూజలు నిర్వహించారు. ‘నేషనల్ సెంటర్ ఫర్ పోలార్ అండ్ ఓషన్ రీసెర్చ్’ (ఎన్సీపీఓఆర్)కు చెందిన ఈ పరిశోధకులు గడ్డకట్టే చలిని కూడా లెక్కచేయకుండా, అందుబాటులో ఉన్న మంచును ఉపయోగించి ఎలాంటి అచ్చులు లేకుండా చేతులతోనే సుందరమైన విగ్రహాన్ని తీర్చిదిద్దారు. అనంతరం హిందూ సంప్రదాయం ప్రకారం హారతి ఇచ్చి, పూజలు నిర్వహించి, మోదకాలను నైవేద్యంగా సమర్పించారు. ఈ వేడుకల్లో నిమజ్జన ఘట్టం మరింత ప్రత్యేకంగా నిలిచింది. అంటార్కిటికాలోని సున్నితమైన పర్యావరణానికి ఎలాంటి హాని కలగకూడదనే ఉద్దేశంతో శాస్త్రవేత్తలు పర్యావరణ హితమైన పద్ధతిని ఎంచుకున్నారు. పరిశోధన కేంద్రం లోపల ఒక బకెట్లో నీటిని తీసుకుని, అందులోనే మంచు గణపతి విగ్రహాన్ని ఉంచి నిమజ్జనం చేశారు. కొద్దిసేపటికే మంచు నీటిలో కలిసిపోయింది. ఈ బృందానికి చెందిన డాక్టర్ అనిరుధ్ ధర్ ఈ అపురూప దృశ్యాలను తన ఇన్స్టాగ్రామ్ ఖాతాలో పంచుకోగా, ఆ వీడియో సోషల్ మీడియాలో విపరీతంగా వైరల్ అయింది. స్వదేశానికి 15,000 కిలోమీటర్ల దూరంలో ఉన్నప్పటికీ, కఠిన పరిస్థితుల్లో తమ సంస్కృతిని కాపాడుకుంటూ పర్యావరణ స్పృహతో వేడుకలు నిర్వహించిన శాస్త్రవేత్తలను నెటిజన్లు విశేషంగా ప్రశంసిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
గుడ్ న్యూస్.. తగ్గనున్న వంటనూనె ధరలు
Gold Price: స్వల్పంగా పెరిగిన బంగారం ధర
Super El Nino: సూపర్ ఎల్నినో ఎఫెక్ట్.. ఫిబ్రవరి లోపు 4.5 లక్షల మరణాలు!
సంజూ శాంసన్పై గంభీర్ సంచలన వ్యాఖ్యలు!
Pitru Paksha 2026: ఈ ఏడాది పితృపక్షం ప్రారంభమయ్యేది అప్పుడే