బియ్యం నానబెట్టిన నీటితో ఎన్ని ప్రయోజనాలున్నాయనే విషయం చాలా మందికి తెలియదు. అందమైన ముఖం, పొడవైన, ఒత్తైన జుట్టు కావాలని కోరుకునే వారికి ఇదొక అద్భుత ఔషధంగా పనిచేస్తుంది. ఇది చర్మం, జుట్టు సంరక్షణకు చాలా ఉపయోగకరమని నిపుణులు చెబుతున్నారు. దాని ప్రయోజనాలను ఇలా తెలుసుకోవచ్చు. బియ్యం నానబెట్టిన నీటిలో విటమిన్లు, ఖనిజాలు, అమైనో ఆమ్లాలు సమృద్ధిగా ఉంటాయని చెబుతారు. దీనిని ముఖ శుభ్రత కోసం ఉపయోగిస్తే చర్మం మృదువుగా మారుతుందని భావిస్తున్నారు. చర్మ సమస్యలను తగ్గించడంలో కూడా ఇది సహాయపడుతుందని కొన్ని అధ్యయనాలు సూచిస్తున్నాయి. ఇది సహజమైన, తక్కువ ఖర్చుతో లభించే స్కిన్కేర్ ఎంపికగా ఉపయోగపడుతుంది.
ఫేస్ టోనర్గా ఉపయోగం:
రైస్ వాటర్ను టోనర్లా కూడా వాడవచ్చు. కాటన్తో ముఖంపై సున్నితంగా రాసి కొన్ని నిమిషాల తర్వాత చల్లని నీటితో కడిగితే చర్మం తేమగా మారుతుంది. వారానికి రెండు సార్లు ఇలా చేస్తే పొడిబారడం తగ్గుతుందని చెబుతారు. దీని వల్ల చర్మం మెరుపుగా కనిపించడంలో సహాయపడుతుందని అంటారు.
సన్బర్న్ తగ్గించడంలో సహాయం:
ఎండ వల్ల చర్మం కందిపోతే రైస్ వాటర్ ఉపశమనం ఇవ్వగలదని సూచిస్తారు. కాటన్ సహాయంతో ప్రభావిత ప్రాంతంలో మృదువుగా అప్లై చేస్తే మంట తగ్గుతుందని భావిస్తారు.
జుట్టుకు పోషణ:
పోషకాహార లోపం, కాలుష్యం, ఎండ వంటి కారణాలతో జుట్టు బలహీనంగా మారుతుంది. ఇలాంటి సందర్భాల్లో రైస్ వాటర్ లేదా గంజిని తలకు అప్లై చేస్తే ఉపయోగం ఉంటుందని చెబుతారు. ఇందులో ఉండే ఇనోసిటాల్ అనే పదార్థం జుట్టు రాలడాన్ని తగ్గించడంలో సహాయపడవచ్చని పేర్కొంటారు. అమైనో ఆమ్లాలు జుట్టు కుదుళ్లను బలపరచడంలో సహాయపడతాయి.
జుట్టు మృదువుగా, మెరిసేలా:
రైస్ వాటర్తో జుట్టు మరింత సాఫ్ట్గా మారి మెరుపు వస్తుందని అంటారు. దీనికి కొద్దిగా మజ్జిగ కలిపి తలకు పెట్టి 30 నిమిషాల తర్వాత తేలికపాటి షాంపూతో కడిగితే జుట్టు మరింత మృదువుగా మారుతుందని సూచిస్తారు.
చిక్కులు తగ్గించడం:
తరచూ రైస్ వాటర్ ఉపయోగించడం వల్ల జుట్టు మృదువుగా మారి చిక్కులు తగ్గుతాయని చెబుతారు. దీంతో జుట్టును సులభంగా నిర్వహించుకోవచ్చు. వివిధ హెయిర్ స్టైల్స్ చేయడం కూడా సులభమవుతుంది.
(Disclaimer: పాఠకుల ఆసక్తి మేరకు అందించిన ఈ సమాచారం ఖచ్చితంగా నిజం లేదా శాస్త్రీయంగా నిర్ధారితమైన సమాచారం అని భావించకండి. వ్యక్తిగత నిర్ణయాలు తీసుకునే ముందు సంబంధిత నిపుణులను సంప్రదించడం మంచిది.)
