IRCTC Coastal Karnataka Tour Package Telugu: కర్ణాటకలోని ప్రసిద్ధ దేవాలయాలు, ఆధ్యాత్మిక క్షేత్రాలు, అందమైన బీచ్లను ఒకే ప్రయాణంలో సందర్శించాలనుకునే వారికి IRCTC అందిస్తున్న Coastal Karnataka టూర్ ప్యాకేజీ ఆసక్తికరమైన ఎంపిక. హైదరాబాద్లోని కాచిగూడ నుంచి రైలు ప్రయాణంతో ప్రారంభమయ్యే ఈ టూర్లో ఉడుపి, కొల్లూరు, మురుడేశ్వర్, గోకర్ణ, హొరనాడు, శృంగేరి, మంగళూరు తదితర ప్రాంతాలను సందర్శించవచ్చు.
ప్యాకేజీ వివరాలు:
ఈ టూర్ ప్యాకేజీ కోడ్ SHR085, మొత్తం 5 రాత్రులు, 6 రోజులు ఉంటుంది. ప్రతి మంగళవారం కాచిగూడ రైల్వే స్టేషన్ నుంచి ఉదయం 6:05 గంటలకు ప్రయాణం ప్రారంభమవుతుంది. ట్రైన్ నంబర్ 12789 ద్వారా మంగళూరు సెంట్రల్కు చేరుకుంటారు. తిరుగు ప్రయాణంలో ట్రైన్ నంబర్ 12790లో మంగళూరు నుంచి బయలుదేరి ఆదివారం రాత్రి 11:40 గంటలకు కాచిగూడకు చేరుకుంటారు.
టూర్లో సందర్శించే ప్రదేశాలు:
- రెండో రోజు మంగళూరు చేరుకున్న తర్వాత ఉడుపికి వెళ్లి శ్రీకృష్ణ ఆలయం, మల్పే బీచ్ సందర్శిస్తారు.
- మూడో రోజు కొల్లూరులోని మూకాంబిక ఆలయం, అనంతరం మురుడేశ్వర్లోని ప్రసిద్ధ శివాలయం, భారీ శివ విగ్రహాన్ని దర్శిస్తారు. గోకర్ణలో ఆలయం, బీచ్ను కూడా సందర్శిస్తారు.
- నాలుగో రోజు హొరనాడులోని అన్నపూర్ణేశ్వరి ఆలయం, అనంతరం శృంగేరిలోని శారదాంబ ఆలయం దర్శనం ఉంటుంది. సాయంత్రం మంగళూరుకు చేరుకుని అక్కడ బస చేస్తారు.
- ఐదో రోజు మంగళూరు స్థానిక సందర్శనలో మంగళాదేవి ఆలయం, కద్రి మంజునాథ ఆలయం, తన్నీర్భావి బీచ్, కుద్రోలి గోకర్ణనాథ ఆలయం వంటి పుణ్యక్షేత్రాలను సందర్శించవచ్చు.
ప్యాకేజీ ధరలు:
ఏప్రిల్ 2026 నుంచి 1–3 మంది ప్రయాణికులకు కంఫర్ట్ 3ACలో సింగిల్ షేరింగ్ ధర రూ.42,990, ట్విన్ షేరింగ్ రూ.24,440, ట్రిపుల్ షేరింగ్ రూ.19,560 నుంచి ప్రారంభమవుతుంది. స్టాండర్డ్ స్లీపర్లో సింగిల్ షేరింగ్ రూ.39,920, ట్విన్ షేరింగ్ రూ.21,370, ట్రిపుల్ షేరింగ్ రూ.16,500గా ఉంది.
ఇవి కూడా చదవండి
అక్టోబర్ 2026 నుంచి ధరల్లో మార్పులు ఉన్నాయి. కంఫర్ట్ 3ACలో ట్విన్ షేరింగ్ రూ.23,910, ట్రిపుల్ షేరింగ్ రూ.19,240 కాగా, స్టాండర్డ్ స్లీపర్లో ట్విన్ షేరింగ్ రూ.20,850, ట్రిపుల్ షేరింగ్ రూ.16,180గా ఉంది. పిల్లలకు కూడా ప్రత్యేక ఛార్జీలు వర్తిస్తాయి.
ప్యాకేజీలో ఏముంటాయి?
రైలు ప్రయాణం, ఏసీ వాహనంలో స్థానిక రవాణా, 3 రాత్రుల హోటల్ వసతి, అల్పాహారం, ట్రావెల్ ఇన్సూరెన్స్, సందర్శనా ప్రాంతాల రవాణా, టోల్, పార్కింగ్, GST వంటి సేవలు ప్యాకేజీలో ఉన్నాయి. అయితే మధ్యాహ్నం, రాత్రి భోజనం, రైలులో ఆహారం, ప్రవేశ టికెట్లు, బోటింగ్ వంటి వినోద కార్యకలాపాలు, టూర్ గైడ్ తదితరాలు ప్యాకేజీలో ఉండవు.
హోటల్ వసతి ఉడుపిలో White Lotus లేదా సమానమైన హోటల్, మంగళూరులో Ginger లేదా సమానమైన హోటల్లో ఉంటుంది. హోటల్ చెక్-ఇన్ సాధారణంగా మధ్యాహ్నం 1 గంటకు ఉంటుంది. ట్రైన్ టికెట్లు ప్రయాణ తేదీకి 4 రోజుల ముందు జారీ చేస్తారు. బెర్త్ ఎంపిక లేదా మార్పులకు అవకాశం ఉండదని నిర్వాహకులు పేర్కొన్నారు. ప్రయాణ తేదీలు, సీట్ల లభ్యత, తాజా ధరలు, నిబంధనలను బుకింగ్కు ముందు తప్పనిసరిగా అధికారికంగా ధృవీకరించుకోవడం మంచిది.
IRCTC అందిస్తున్న Coastal Karnataka టూర్ ప్యాకేజీ బుకింగ్, మరిన్ని వివరాల కోసం ఇక్కడ క్లిక్ చేయండి.