Chicken Price: ఆదివారం వచ్చిందంటే చాలు మాంసం ప్రియులందరూ చికెన్ సెంటర్ల దగ్గర క్యూ కడతారు. అయితే గత నెలలో భారీగా పెరిగిన చికెన్ ధరలు.. ప్రస్తుతం భారీగా దిగి వచ్చింది. మార్చి నెలలో కేజీ ధర దాదాపు 400 రూపాయల వరకు వెళ్లగా, ఇప్పుడు అది సామాన్యులకు అందుబాటులోకి వచ్చింది. కేవలం వారం రోజుల్లోనే ధర గణనీయంగా తగ్గడం విశేషం.
రెండు తెలుగు రాష్ట్రాల్లో కోడి మాంసం ధరలు ఇప్పుడు ఇలా ఉన్నాయి. ఫామ్ రేటు కేజీ 105 రూపాయలుగా ఉండగా, రిటైల్ మార్కెట్లో లైవ్ బర్డ్ 132 రూపాయలకు లభిస్తోంది. స్కిన్లెస్ చికెన్ ధర 218 నుండి 230 రూపాయల మధ్యలో కొనసాగుతోంది. అయితే ప్రాంతాన్ని బట్టి పది నుండి ఇరవై రూపాయల తేడా ఉన్నా, మొత్తానికి రేట్లు తక్కువగానే ఉన్నాయి.
ఇది కూడా చదవండి: Mahatma Gandhi: మహాత్మా గాంధీ టెన్త్ క్లాస్ మార్కులు ఎన్నో తెలుసా? నెట్టింట్లో వైరల్ అవుతున్న మార్క్ షీట్
ధరలపై ప్రభావం చూపే అంశాలు:
వేసవి కాలం: ఎండలు ఎక్కువగా ఉండటం వల్ల కోళ్ల మరణాల రేటు పెరిగే అవకాశం ఉంటుంది. ఇది సరఫరాపై ప్రభావం చూపి ధరలు పెరగడానికి దారితీయవచ్చు. సాధారణంగా ఆదివారం సెలవు దినాల్లో డిమాండ్ పెరగడం వల్ల ధరలు రూ.10 నుండి రూ.20 వరకు పెరిగే అవకాశం ఉంటుంది.
దాణా ధరలు: కోళ్ల మేత (మొక్కజొన్న, సోయా) ధరలు పెరిగితే, ఆ భారం వినియోగదారులపై పడుతుంది.
కొనుగోలుదారులకు సూచన:
మీరు నివసించే ప్రాంతాన్ని బట్టి స్థానిక రిటైల్ షాపుల్లో ధరల్లో రూ.10,20 వరకు వ్యత్యాసం ఉండవచ్చు. సూపర్ మార్కెట్లు లేదా ఆన్లైన్ డెలివరీ యాప్స్లో ఆఫర్ల బట్టి ధరలు మారవచ్చు.
ఇది కూడా చదవండి: AI AC: భారతదేశంలో ఏఐ టవర్ ఏసీ విడుదల.. 10 సెకన్లలో కూలింగ్.. ధర తెలిస్తే షాకవుతారు!
మరిన్ని బిజినెస్ వార్తల కోసం ఇక్కడ క్లిక్ చేయండి
