మరోవైపు విటమిన్ బి6, పొటాషియం విషయానికి వస్తే అరటిపండు స్పష్టమైన ఆధిక్యతను కనబరుస్తుంది. 100 గ్రాముల అరటిపండులో ఏకంగా 0.37 మి.గ్రా. విటమిన్ బి6, 358 మి.గ్రా. పొటాషియం లభిస్తాయి. అదే దానిమ్మలో విటమిన్ బి6 కేవలం 0.08 మి.గ్రా., పొటాషియం 236 మి.గ్రా. మాత్రమే ఉంటాయి. విటమిన్ బి6 శరీరంలో ప్రొటీన్ జీర్ణక్రియకు, నరాల పనితీరుకు, ఎర్ర రక్త కణాల తయారీకి తోడ్పడుతుంది. అందుకే తక్షణ శక్తితో పాటు గుండె ఆరోగ్యం, నరాల పుష్టి కోసం అరటిపండును ప్రతిరోజూ ఆహారంలో చేర్చుకోవడం ఉత్తమమైన మార్గం.