కావలసిన పదార్థాలు: 1 కప్పు బియ్యప్పిండి ఇక్కడ రెడీమేడ్ పిండి కూడా వాడవచ్చు, అర కప్పు నుండి ముప్పావు కప్పు బెల్లం తురుము, పావు కప్పు నుండి అర కప్పు వరకు స్వచ్ఛమైన నెయ్యి, అర టీస్పూన్ యాలకుల పొడి, నేతిలో వేయించిన డ్రైఫ్రూట్స్
తయారీ విధానం: ఒక వెడల్పాటి బౌల్లో జల్లించిన ఒక కప్పు బియ్యప్పిండిని తీసుకోవాలి. కొందరు పిండిని పచ్చిగానే వాడతారు, మరికొందరు పచ్చివాసన పోవడానికి బాండీలో 2 నిమిషాలు లో ఫ్లేమ్పై దోరగా వేయించి చల్లార్చి వాడతారు; మీకు నచ్చిన పద్ధతిని ఎంచుకోవచ్చు. ఇందులో మెత్తగా తురిమి పెట్టుకున్న బెల్లం మరియు యాలకుల పొడిని వేయాలి.
బియ్యప్పిండి, బెల్లం తురుము సమంగా కలిసేలా చేతి వేళ్లతో బాగా నలుపుతూ కలపాలి. చేతి వేడికి బెల్లం కరిగి పిండితో పూర్తిగా కలిసిపోతుంది. అవసరమైతే ఈ మిశ్రమాన్ని మిక్సీ జార్లో వేసి జస్ట్ ఒక్కసారి పల్స్ చేస్తే ఎక్కడా బెల్లం గడ్డలు లేకుండా పిండి మొత్తం ఏకరీతిగా మారుతుంది.
పై పోసుకుంటూ గరిటెతో కలపాలి. పిండి చేత్తో పట్టుకునే వేడికి వచ్చినప్పుడు, చేతితో గట్టిగా నొక్కుతూ ఉండలు చుట్టడానికి వీలుగా నెయ్యిని కలుపుకోవాలి. పిండి మిశ్రమాన్ని కొద్దికొద్దిగా చేతుల్లోకి తీసుకుంటూ గట్టిగా అదిమి గుండ్రటి లడ్డూల రూపంలో చుట్టుకోవాలి. నెయ్యి వేడిగా ఉన్నప్పుడే ముద్దలు చుడితే లడ్డూలు పగలకుండా నిండుగా, నునుపుగా వస్తాయి.
అంతే, నోట్లో వేస్తే కరిగిపోయే అత్యంత రుచికరమైన తెలంగాణ స్పెషల్ 'నేతి చమిలి' సిద్ధం! ఎలాంటి రసాయనాలు, పాకాలు లేని ఈ లడ్డూలు గాలి చొరబడని డబ్బాలో ఉంచితే వారం రోజుల పాటు తాజాగా నిల్వ ఉంటాయి.