చర్మ సంరక్షణలో ముల్తానీ మట్టి, పటిక మిశ్రమానికి ప్రత్యేక స్థానం ఉంది. ముల్తానీ మట్టి చర్మంలోని అదనపు నూనెను, మురికిని తొలగించి చర్మాన్ని శుభ్రపరుస్తుంది. పటికలోని యాంటీసెప్టిక్, ఆస్ట్రింజెంట్ గుణాలు మొటిమలను, వాటి మచ్చలను తగ్గించడంలో తోడ్పడతాయి. ఈ రెండింటి కలయిక ఫేస్ ప్యాక్గా వాడినప్పుడు ముఖంలో కలిగే మార్పులేంటో ఇప్పుడు చూద్దాం..
ముల్తానీ మట్టి – పటిక కలయిక ప్రయోజనాలు:
అదనపు నూనె నియంత్రణ: ముల్తానీ మట్టి చర్మంలోని సెబమ్ ఉత్పత్తిని నియంత్రిస్తుంది. నూనె చర్మ తత్వం ఉన్నవారికి ఇది అద్భుతమైన ఫేస్ ప్యాక్గా పనిచేస్తుంది.
మొటిమలు, మచ్చల నివారణ: పటికలో శక్తివంతమైన యాంటీబాక్టీరియల్, యాంటీసెప్టిక్ గుణాలు ఉంటాయి. ఇవి మొటిమలను కలిగించే బాక్టీరియాను నాశనం చేసి, పాత మచ్చలను క్రమంగా తగ్గిస్తాయి.
ఇవి కూడా చదవండి
చర్మం బిగుతుగా మారడం : పటికలో సహజ ఆస్ట్రింజెంట్ లక్షణాలు ఉంటాయి. ఇది ముఖంపై ఉన్న ఓపెన్ పోర్స్ పరిమాణాన్ని తగ్గించి, వయసు పైబడటం వల్ల వచ్చే ముడతలను నివారిస్తుంది.
కాంతివంతమైన చర్మం: చర్మంపై పేరుకుపోయిన మృతకణాలను తొలగించి ముఖానికి తక్షణ ప్రకాశాన్ని అందిస్తుంది.
ఈ ఫేస్ ప్యాక్ ఎలా తయారు చేయాలి?:
ఒక గిన్నెలో ఒక స్పూన్ ముల్తానీ మట్టి పొడి తీసుకోండి. దానికి చిటికెడు పటిక పొడి కలపండి. ఈ మిశ్రమంలో రోజ్ వాటర్ లేదా కొద్దిగా పాలు కలిపి పేస్ట్లా తయారుచేయాలి. ఈ ప్యాక్ను ముఖానికి రాసి 10 నుండి 15 నిమిషాల పాటు ఆరనివ్వాలి. అనంతరం చల్లటి నీటితో ముఖాన్ని శుభ్రం చేసుకోవాలి.
తీసుకోవాల్సిన జాగ్రత్తలు:
పటిక స్వభావరీత్యా చర్మాన్ని పొడిబారేలా చేస్తుంది. కాబట్టి డ్రై స్కిన్ ఉన్నవారు లేదా సున్నితమైన చర్మం ఉన్నవారు పటికను అతి తక్కువ పరిమాణంలో వాడాలి లేదా నిపుణుల సలహా తీసుకోవాలి. ఈ ఫేస్ ప్యాక్ వాడిన తర్వాత తప్పనిసరిగా మంచి మాయిశ్చరైజర్ను అప్లై చేయడం శ్రేయస్కరం. వారానికి ఒకసారి మాత్రమే ఈ ప్యాక్ ఉపయోగించడం మంచిది.
మరిన్ని లైఫ్ స్టైల్ న్యూస్ కోసం క్లిక్ చేయండి.