జూలై 27 (సోమవారం) నుంచి డిసెంబర్ 12 వరకు శనీశ్వరుడు మీన రాశిలో వక్రించడం జరుగుతోంది. మందగతితో సంచరించే శనీశ్వరుడిలో ఈ వక్రగతి వల్ల చురుకుదనం, వేగం పెరుగుతుంది. సుమారు నాలుగున్నర నెలల పాటు శని వక్రించడం వల్ల కొన్ని రాశుల వారి జీవితాల్లో యాక్టివిటీ బాగా పెరుగుతుంది.. ఇంతవరకూ పూర్తి కాని పనులు పూర్తవుతాయి. ప్రతి పనీ, ప్రతి ప్రయత్నమూ వేగం పుంజుకుంటుంది. మేషం, మిథునం, కర్కాటకం, కన్య, వృశ్చికం, మకర రాశుల వారికి నిమిషం కూడా తీరిక లేని పరిస్థితి ఏర్పడుతుంది. శనీశ్వరుడు వక్రించిన ఈ నాలుగున్నర నెలల కాలం ఈ రాశులకు అదృష్టవంతమైన కాలంగా చెప్పవచ్చు.
