తెలుగు సినిమా చరిత్రలో ఎవర్ గ్రీన్ చార్ట్ బస్టర్ సాంగ్స్ చాలా ఉన్నాయి. దశాబ్దాలు గడిచినప్పటికీ ఆ పాటల క్రేజ్ మాత్రం తగ్గడం లేదు. ఇప్పటికీ కొన్ని పాటలు శ్రోతల హృదయాల్లో నిలిచిపోయాయి. తాజాగా ఓ సాంగ్ ఇప్పుడు యూట్యూబ్ లో దూసుకుపోతుంది. అదే ‘కూలీ నెం. 1’ చిత్రంలోని “కొత్త కొత్తగా ఉన్నది” పాట ఒకటి. విక్టరీ వెంకటేష్, అందాల భామ టబు జంటగా నటించిన ఈ రొమాంటిక్ మెలోడీ ఇప్పటికీ సంగీతాభిమానులను విశేషంగా అలరిస్తూనే ఉంది. డిజిటల్ ప్లాట్ఫామ్లు, యూట్యూబ్లో ఈ వీడియో సాంగ్ మరోసారి ట్రెండింగ్లోకి వచ్చి టాలీవుడ్ మ్యూజిక్ లవర్స్ దృష్టిని ఆకర్షిస్తోంది. ఈ పాటకి స్వరాలందించిన సంగీత దర్శకుడు ఇళయరాజా అందించిన మెలోడీ అద్భుతం. ప్రతి స్వరం మనసును హత్తుకునేలా ఉండటం ఈ పాట ప్రత్యేకత. అమరగాయకుడు ఎస్.పి. బాలసుబ్రహ్మణ్యం, గానకోకిల కె.ఎస్. చిత్ర గాత్రం ఈ పాటకి ప్రాణం పోశాయి. వీరిద్దరి కాంబినేషన్లో వచ్చిన ఈ గీతం వినగానే తెలియని ప్రశాంతతను అందిస్తుంది.
కవి సమ్రాట్ సిరివెన్నెల సీతారామశాస్త్రి రాసిన సాహిత్య విలువలు ఈ పాటకు మరింత అందాన్ని తీసుకొచ్చాయి. ప్రేమలోని మధురానుభూతిని అత్యంత సున్నితమైన పదాలతో వర్ణించారు. ఇక దర్శకేంద్రుడు కె. రాఘవేంద్రరావు మార్క్ మేకింగ్, కలర్ఫుల్ విజువల్స్, వెంకటేష్ – టబుల ఆన్-స్క్రీన్ కెమిస్ట్రీ ప్రేక్షకుల హృదయాల్లో చెరగని ముద్ర వేసింది.
సురేష్ ప్రొడక్షన్స్ బ్యానర్పై డాక్టర్ డి. రామానాయుడు నిర్మించిన ‘కూలీ నెం. 1’ చిత్రం వెంకటేష్ కెరీర్లో ఒక మైలురాయిగా నిలిచింది. 1991లో విడుదలైన ఈ సినిమాలోని ఈ పాట దశాబ్దాలు గడిచినా నేటి తరం శ్రోతలను కూడా సమానంగా ఆకట్టుకుంటోంది. సోషల్ మీడియా రీల్స్, యూట్యూబ్ షార్ట్స్లో ఈ క్లాసిక్ సాంగ్ బిట్స్ ఇప్పుడు మరింతగా వైరల్ అవుతున్నాయి.
ఎక్కువ మంది చదివినవి : ఎక్కువ మంది చదివినవి : Kota Srinivasa Rao : ఆ హీరోలగా చేయాలంటే ఇంకో జన్మ ఎత్తాలి.. ఆరోజు అతడి కష్టాన్ని కళ్లరా చూశా.. కోట శ్రీనివాస్ రావు..
కొత్త కొత్తగా ఉన్నది సాంగ్..
ఎక్కువ మంది చదివినవి : ఎక్కువ మంది చదివినవి : Srikanth: ఆ సినిమా తర్వాత నా గ్రాఫ్ మొత్తం పడిపోయింది.. చాలా దెబ్బ పడింది.. హీరో శ్రీకాంత్..
