LPG Cylinder Price: దేశంలో మే 1వ తేదీ నుంచి కొత్త గ్యాస్ సిలిండర్ ధర భారీగా పెరిగింది. పెరిగిన ధరలు నేటి నుంచి అమల్లోకి వచ్చాయి. మధ్యప్రాచ్యంలో నెలకొన్న ఉద్రిక్తతల నేపథ్యంలో ప్రభుత్వ రంగ సంస్థలు సిలిండర్ల ధరలను పెంచాయి. మే 1, 2026 నుంచి వాణిజ్య ఎల్పీజీ సిలిండర్ల ధర సుమారుగా రూ.993 పెరిగింది. ఢిల్లీ, ముంబైతో సహా దేశవ్యాప్తంగా అనేక నగరాల్లో వాణిజ్య ఎల్పీజీ ధరలు ఇప్పుడు రూ.3,000 దాటాయి. అయితే, గృహ వినియోగ గ్యాస్ సిలిండర్ల ధరలు ఇంకా పెరగలేదు.
19 కిలోల వాణిజ్య సిలిండర్ ధర పెరగడంతో వినియోగదారులకు భారీ షాకిచ్చినట్లయ్యింది. ఢిల్లీలో 19 కిలోల సిలిండర్ రూ.3071.50 కి లభిస్తుంది. అయితే, గృహ వినియోగ సిలిండర్ల ధరలు మాత్రం యథాతథంగా ఉంటాయి. వాటి ధరలలో ఎలాంటి మార్పు లేదు.
Prices of 19 KG Commercial cylinder has been increased by Rs 993 from today. A 19 Kg cylinder will cost Rs 3071.50 in Delhi from today. No change in domestic cylinder prices: Sources
— ANI (@ANI) May 1, 2026
దేశ రాజధాని ఢిల్లీలో, వాణిజ్య ఎల్పిజి సిలిండర్ ధర గతంలో ఉన్న రూ.2078.50 నుండి ఇప్పుడు రూ.3071.50కి పెరిగింది. ఇదిలా ఉండగా, గృహ వినియోగ గ్యాస్ సిలిండర్ ఇప్పటికీ రూ.913కే అందుబాటులో ఉంది.
ఇది కూడా చదవండి: మగువలకు తీపి కబురు.. భారీగా తగ్గిన బంగారం, వెండి ధరలు.. ఎంతో తెలిస్తే ఇప్పుడే కొనేస్తారు..!
మరిన్ని బిజినెస్ వార్తల కోసం ఇక్కడ క్లిక్ చేయండి
