జింకలు ప్రతి సంవత్సరం తమ కొమ్ములను ఎందుకు వదులుకుంటాయి? చాలా మందికి అవి పగిలిపోవడం వల్ల లేదా దెబ్బతినడం వల్ల రాలిపోతాయని అనిపించవచ్చు. కానీ నిజానికి ఇది పూర్తిగా సహజ ప్రక్రియ. జింకల కొమ్ములు (antlers) ఆవులు, ఎద్దుల కొమ్ముల మాదిరిగా శాశ్వతమైనవి కావు ఇవి ప్రతి సంవత్సరం కొత్తగా పెరిగి, మళ్లీ రాలిపోతాయి. ఈ కొమ్ముల ప్రధాన ఉపయోగం సంతానోత్పత్తి కాలంలో ఉంటుంది. ఈ సమయంలో మగ జింకలు ఇతర మగ జింకలతో పోరాడేందుకు, అలాగే ఆడ జింకలను ఆకర్షించేందుకు కొమ్ములను ఉపయోగిస్తాయి. ఈ దశలో జింకల శరీరంలో టెస్టోస్టెరాన్ హార్మోన్ స్థాయి ఎక్కువగా ఉంటుంది.
సంతానోత్పత్తి కాలం ముగిసిన తర్వాత ఈ హార్మోన్ స్థాయిలు క్రమంగా తగ్గిపోతాయి. దాంతో కొమ్ములు తలకు అంటి ఉండే భాగం బలహీనపడుతుంది. చివరికి ఎలాంటి నొప్పి లేకుండానే కొమ్ములు సహజంగానే రాలిపోతాయి. తర్వాత మళ్లీ కొత్త కొమ్ములు పెరుగుతాయి. ప్రారంభంలో అవి “వెల్వెట్” అనే మృదువైన పొరతో కప్పబడి ఉంటాయి. కాలక్రమేణా అవి గట్టిపడి పూర్తిస్థాయి కొమ్ములుగా మారుతాయి.
ఇది జింకల సహజ జీవన చక్రంలో భాగం. అంటే, జింకల కొమ్ములు దెబ్బతినడం వల్ల కాదు, హార్మోన్ల మార్పుల కారణంగా ప్రతి సంవత్సరం పెరిగి, మళ్లీ రాలిపోతుంటాయి. కొమ్ములు రాలిపోయిన తర్వాత, కొన్ని వారాల్లోనే కొత్తవి పెరగడం ప్రారంభమవుతుంది. ఇవి జంతు ప్రపంచంలో వేగంగా పెరిగే టిష్యూలలో ఒకటి.
నాగుపాముని రక్తపింజరి కరిస్తే నాగుపాము చనిపోతుందా ?
