Credit Card: క్రెడిట్ కార్డ్ చేతిలో ఉంది కదా అని ఇష్టమొచ్చినట్లు వాడేస్తే, నెలాఖరున వచ్చే బిల్లు మిమ్మల్ని కోలుకోలేని దెబ్బ తీస్తుంది. క్రెడిట్ కార్డ్ వినియోగంలో మీరు అస్సలు చేయకూడని ఆ 5 తప్పులు ఇవే.
1. కనీస మొత్తాన్ని మాత్రమే చెల్లించడం (Minimum Amount Due):
చాలామంది చేసే అతిపెద్ద తప్పు ఇదే. బిల్లు రాగానే అందులో ‘టోటల్ డ్యూ’, ‘మినిమమ్ డ్యూ’ అని రెండు ఉంటాయి. డబ్బు ఆదా అవుతుందని భావించి చాలామంది కేవలం ‘మినిమమ్ డ్యూ’ మాత్రమే కడతారు. కానీ, మీరు కట్టని మిగిలిన మొత్తంపై బ్యాంకులు 36% నుండి 42% వరకు భారీ వార్షిక వడ్డీని వసూలు చేస్తాయి. దీనివల్ల మీరు అప్పుల చక్రబంధంలో చిక్కుకుపోతారు. ఎప్పుడూ పూర్తి బిల్లునే చెల్లించడానికి ప్రయత్నించండి.
2. పూర్తి క్రెడిట్ లిమిట్ను వాడటం:
మీ కార్డు లిమిట్ రూ.1 లక్ష ఉందంటే, లక్ష రూపాయలూ వాడేయాలని కాదు. మీ లిమిట్లో ఎప్పుడూ 30% నుండి 40% లోపు మాత్రమే వాడాలి. దీన్నే ‘క్రెడిట్ యుటిలైజేషన్ రేషియో’ అంటారు. మీరు మీ లిమిట్ మొత్తం వాడేస్తే, మీ క్రెడిట్ స్కోర్ (CIBIL) దారుణంగా పడిపోతుంది. భవిష్యత్తులో మీకు హోమ్ లోన్ లేదా కార్ లోన్ రావడం కష్టమవుతుంది.
ఇవి కూడా చదవండి
3. ఏటీఎం (ATM) నుండి నగదు విత్డ్రా చేయడం:
అత్యవసర సమయంలో క్రెడిట్ కార్డ్ ద్వారా డబ్బు తీసుకోవచ్చనే సదుపాయం ఉన్నప్పటికీ, దీన్ని అస్సలు వాడకండి. ఎందుకంటే, క్రెడిట్ కార్డ్ నగదు విత్డ్రాయల్పై మొదటి రోజు నుండే వడ్డీ మొదలవుతుంది. దీనికి గ్రేస్ పీరియడ్ ఉండదు. పైగా విత్డ్రాయల్ ఫీజు కూడా అదనంగా చెల్లించాల్సి ఉంటుంది.
4. రివార్డ్ పాయింట్ల కోసం అనవసర ఖర్చులు:
10% క్యాష్బ్యాక్ వస్తుందనో లేదా రివార్డ్ పాయింట్లు పెరుగుతాయనో చాలామంది అవసరం లేని వస్తువులను కూడా కొనేస్తుంటారు. ఉదాహరణకు రూ.300 క్యాష్బ్యాక్ కోసం రూ.5,000 అనవసరంగా ఖర్చు చేయడం తెలివైన పని కాదు. ఇది మీ నెలవారీ బడ్జెట్ను దెబ్బతీస్తుంది.
5. గడువు తేదీని మర్చిపోవడం:
బిల్లు చెల్లించాల్సిన తేదీని ఒక్క రోజు మర్చిపోయినా, మీపై భారీగా లేట్ ఫీజు (Late Payment Charges), వడ్డీ పడతాయి. ఇది కేవలం ఆర్థిక నష్టమే కాదు, మీ క్రెడిట్ హిస్టరీలో ఒక ‘నల్ల మచ్చ’లా మిగిలిపోతుంది. వీలైతే మీ బ్యాంక్ అకౌంట్లో ‘ఆటో-డెబిట్’ ఆప్షన్ పెట్టుకోవడం ఉత్తమం.
ఇది కూడా చదవండి: Petrol: వాహనదారులకు షాకింగ్ న్యూస్.. ఇక ఆ సర్టిఫికేట్ ఉంటేనే బంకుల్లో పెట్రోల్.. లేకుంటే వెనుదిరగాల్సిందే!
ఇది కూడా చదవండి: Silver Price: అనుకున్నదే జరుగుతుందా? భారీగా పడిపోతున్న వెండి ధర.. పాతాళానికి చేరుతుందా? నిపుణుల అంచనా ఇదే!
మరిన్ని బిజినెస్ వార్తల కోసం ఇక్కడ క్లిక్ చేయండి
